ମାଲକାନଗିରି: ପ୍ରଜାମେଳିରେ ପ୍ରଶାସନକୁ ଧମକ । ଆନ୍ଧ୍ରରେ ମିଶିବାକୁ ଧମକ ଦେଉଛନ୍ତି ବିଛିନ୍ନାଞ୍ଚଳବାସୀ । ମୌଳିକ ସୁବିଧାରୁ ବଞ୍ଚିତ ଥିବା ଦର୍ଶାଇ ଏଭଳି ଚରମ ନିଷ୍ପତ୍ତି ନେବାକୁ ଆଗେଇ ଆସିଛନ୍ତି ପଣଷପୁଟ, ଯନ୍ତ୍ରୀ, ଯୋଡାଆମ୍ବ, ଅଣ୍ଡ୍ରାପାଲ୍ଲି, ଗାଜମମାମୁଡି, ଅରାପଦର ଭଳି ପଞ୍ଚାୟତର ହଜାର ହଜାର ଆଦିବାସୀ । ପ୍ରଜାମେଳି କରି ଓଡିଶା ଛାଡି ଆନ୍ଧ୍ରରେ ମିଶିବାକୁ ଦେଉଛନ୍ତି ଧମକ ।
ଭିଡିଓ ସୌଜନ୍ୟ: ସମ୍ବାଦଦାତା, ମାଲକାନଗିରି
ଗୁରୁପ୍ରିୟା ସେତୁ ନିର୍ମାଣ ହେବା ପରେ ବିକାଶ ପହଞ୍ଚିବ ବୋଲି ଆଶାତିତ ଥିଲେ ବିଚ୍ଛାନ୍ନାଞ୍ଚଳବାସୀ । କିନ୍ତୁ ଶିକ୍ଷା, ସ୍ବାସ୍ଥ୍ୟ, ଗମନାଗମନ ସହ ଅଙ୍ଗନବାଡି ଓ ପାନୀୟଜଳ ଭଳି ମୌଳିକ ସମସ୍ୟା ପୂରଣ ହେଲାନି । ଯେଉଁ ବିଚ୍ଛିନ୍ନାଞ୍ଚଳକୁ ସେହି ବିଚ୍ଛିନ୍ନାଞ୍ଚଳ ହୋଇ ରହିଲେ । ବାରମ୍ବାର ଜିଲ୍ଲା ସ୍ଥାନୀୟ ପ୍ରଶାସନକୁ ନିଜ ସମସ୍ୟା ସମ୍ପର୍କରେ ଜଣାଇଲେ ବି ପ୍ରଶାସନ ପକ୍ଷରୁ କୌଣସି ପଦକ୍ଷେପ ଗ୍ରହଣ କରାଗଲାନି ।