ମାଲକାନଗିରି:ମୁଖ୍ୟ ଶାସନ ସଚିବ(odisha chief secretary) ସୁରେଶ ଚନ୍ଦ୍ର ମହାପାତ୍ର ବିଭିନ୍ନ ଜିଲ୍ଲା ଗସ୍ତ କରି ଉନ୍ନୟନମୂଳକ କାର୍ଯ୍ୟ ଓ ଯୋଜନାର ସମୀକ୍ଷା କରୁଛନ୍ତି । ଏହିକ୍ରମରେ ରାଜ୍ୟ ସରକାରଙ୍କ ଫୋକସରେ ଥିବା ଜିଲ୍ଲାର ଚିତ୍ରକୋଣ୍ଡା ବ୍ଲକ ସ୍ବାଭିମାନ ଅଞ୍ଚଳ ଗସ୍ତ କରିଛନ୍ତି ମୁଖ୍ୟ ଶାସନ ସଚିବ । ଗୁରୁବାର ମାଲକାନଗିରିରେ ପହଞ୍ଚିବା ପରେ DRDA ସଭାଗୃହରେ ଜିଲ୍ଲାର ବରିଷ୍ଠ ଅଧିକାରୀ ଓ କର୍ମଚାରୀଙ୍କ ସହ ଜିଲ୍ଲାର ବିକାଶ ଦିଗରେ ଏକ ଆଲୋଚନା କରିଥିଲେ । ଜିଲ୍ଲାରେ ହେବାକୁ ଥିବା ଏୟାର ଷ୍ଟ୍ରିପ ସ୍ଥଳ ବୁଲିବା ସହ ଜିଲ୍ଲା ସୀମାନ୍ତ ମୋଟୁ ଅଞ୍ଚଳ ମଧ୍ୟ ଗସ୍ତ କରିଥିଲେ ।
ଏହି ଅବସରରେ ବିକାଶ ପଥେ ସ୍ୱାଭିମାନ ଅଞ୍ଚଳ । ଜାରି ରହିଛି ସ୍ୱାସ୍ଥ୍ୟ, ଶିକ୍ଷା ଓ ପାନୀୟ ଜଳର ମେଗା ପ୍ରକଳ୍ପ କାର୍ଯ୍ୟ । ଏହା କହିଛନ୍ତି ମାଲକାନଗିରି ଜିଲ୍ଲା ଗସ୍ତରେ ଥିବା ମୁଖ୍ୟ ଶାସନ ସଚିବ ସୁରେଶ ଚନ୍ଦ୍ର ମହାପାତ୍ର । ସ୍ୱାଭିମାନ ଅଞ୍ଚଳର ବଡ଼ପଡ଼ ଜାନବାଇ ହାନ୍ତାଳଗୁଡ଼ା, ଲୁଚାପାଣି ଆଦି ସ୍ଥାନ ପରିଦର୍ଶନ କରି ବିଭିନ୍ନ ଉନ୍ନତିମୂଳକ ଯୋଜନାର ସମୀକ୍ଷା କରିଛନ୍ତି । ପାନୀୟଜଳ ପାଇଁ ମେଗା ପ୍ରକଳ୍ପ, ଉଠା ଜଳସେଚନ ଓ ଗମନାଗମନ ପ୍ରକଳ୍ପର ମଧ୍ୟ ଅନୁଧ୍ୟାନ କରିଛନ୍ତି ।