ମାଲକାନଗିରି: ପାରିବାରିକ କଳହ ସାଙ୍ଗକୁ ଯୌତୁକ ନିର୍ଯାତନା ସାଜିଲା କାଳ । ଶେଷରେ ବାରମ୍ବାର ନିର୍ଯାତନାର ଶିକାର ହୋଇ ମାତ୍ର ୭ ମାସ ତଳେ ବିବାହ କରିଥିବା ନବବଧୂ ଆତ୍ମହତ୍ୟା କରି ନିଜ ଜୀବନ ହାରିଛି । ଏଭଳି ଦୁଃଖଦ ଘଟଣା ଜିଲ୍ଲାର କାଲିମେଳା ଥାନା ନିକଟ ଏମ୍.ଭି -35 ଗ୍ରାମରେ ଘଟିଛି । ପୋଲିସ ଘଟଣାସ୍ଥଳରେ ପହଞ୍ଚି ନବବଧୂଙ୍କ ମୃତଦେହ ଜବତ କରି ବ୍ୟବଚ୍ଛେଦ ପାଇଁ ପଠାଇଛି ।
ଯୌତୁକ ନିର୍ଯାତନା କଲା ଅତିଷ୍ଠ, ଜୀବନ ହାରିଲା ନବବଧୂ
ମିଳିଥିବା ସୂଚନା ଅନୁସାରେ ଏମ୍.ଭି-35 ଗ୍ରାମର ମନୋରଞ୍ଜନ ହାଲଦାର ନିଜ ଝିଅ ବବିତାକୁ ଗତ ସାତ ମାସ ତଳେ ଏମ୍.ଭି- 19 ଗ୍ରାମର ଯୁଗଳ ସାହାଙ୍କ ପୁଅ ବିଜୟଙ୍କ ସହ ହିନ୍ଦୁ ରୀତିନୀତି ଅନୁଯାୟୀ ବିବାହ କରିଥିଲେ । ବିବାହ ସମୟରେ ନିଜ ସାମର୍ଥ୍ୟ ଅନୁଯାୟୀ ଯୌତୁକ ଦେଇଥିଲେ । ବିବାହ କରି 2 ମାସ ହସ ଖୁସିରର ସଂସାର କରିଥିଲେ ଏହି ନବ ଦମ୍ପତି । କିନ୍ତୁ କିଛି ଦିନ ପରେ ଯୌତୁକ ଲାଳସା ଥିବା ଶଶୁର ଘର ଝିଅକୁ ନିର୍ଯାତନା ଦେବା ଆରମ୍ଭ କରିଦେଇଥିଲେ। ନିର୍ଯାତନା ଦିନକୁ ଦିନ ବଢ଼ିବାରେ ଲାଗିଲା । ବାପ ଘରକୁ ଝିଅ ବାରମ୍ବାର ଜଣାଇ ଆସୁଥିଲେ।