ମାଲକାନଗିରି: ଜିଲ୍ଲାର ମାଓଗଡ କୁହାଯାଉଥିବା ସ୍ବାଭିମାନ ଅଞ୍ଚଳବାସୀ ଦେଖିଲେ ନୂଆ ସକାଳ। ଆରମ୍ଭ ହେଲା ଟେଲିଫୋନ ଯୋଗାଯୋଗ ସେବା। ପୋଲିସର କଡା ସୁରକ୍ଷା ଯୋଗୁଁ ଦୀର୍ଘ ଦଶନ୍ଧି ପରେ ସ୍ବାଭିମାନ ଅଞ୍ଚଳର ଲୋକଙ୍କ ସ୍ବପ୍ନ ସାକାର ହୋଇଛି। ଏଣିକି ଏଠାକାର ବାସିନ୍ଦା ପାଇବେ ମୋବାଇଲ ସେବାର ସୁବିଧା ।
ସ୍ବାଭିମାନ ଅଞ୍ଚଳରେ ଟେଲିକମ୍ ସେବା ଆରମ୍ଭ, ଉପକୃତ ହେବେ ଅଞ୍ଚଳବାସୀ
ହନ୍ତାଳଗୁଡା, ଟିକିଲିପଦର, ଯନ୍ତାପାଇ ଏବଂ ଦାରଲାବେଡାରେ ଲାଗିଲା ସେବା। ତେବେ ଏହି ସେବା ପାଇଁ ପାଖାପାଖି 30 ହଜାରରୁ ଅଧିକ ଲୋକେ ଉପକୃତ ହେବେ ବୋଲି ଜଣାପଡିଛି। ମାଓବାଦୀଙ୍କ ନାଲି ଆଖି ଯୋଗୁଁ ମୋବାଇଲ ଯୋଗାଯୋଗ ପାଇଁ ଲୋକଙ୍କୁ କୌଣସି ସୁବିଧା ନଥିଲା । ତେବେ ରାଜ୍ୟ ସରକାର ଏବଂ ଜିଲ୍ଲା ପ୍ରଶାସନର ପ୍ରଚେଷ୍ଟା, ପୋଲିସର ସୁରକ୍ଷା ଯୋଗୁଁ ଆଜି ସ୍ବାଭିମାନ ଅଞ୍ଚଳବାସୀ ଏହି ସୁବିଧା ପାଇଛନ୍ତି ବୋଲି କୁହାଯାଉଛି ।