ମାଲକିନିଗିରି: ଶୁକ୍ରବାର ମାଲକାନଗିରି ସୀମାନ୍ତ ଛତିଶଗଡ ଦାନ୍ତେୱାଡା ଜିଲ୍ଲାର ଅରଣପୁର ଥାନା ଅଞ୍ଚଳରୁ ଅପହରଣ କରିଥିବା 2 ଇଞ୍ଜିନିଅର ଓ ଠିକାଦାରଙ୍କୁ ମାଓ ସଙ୍ଗଠନ ଆଜି ଛାଡିଦେଇଥିବା ଜଣାପଡିଛି । ତେବେ ସେମାନଙ୍କୁ ଆଣିବା ପାଇଁ ପ୍ରଶାସନ ପକ୍ଷରୁ ସମସ୍ତ ବ୍ୟବସ୍ଥା କରାଯାଉଥିବା ଦାନ୍ତେୱାଡା ଏସପି ଅଭିଷେକ ପଲ୍ଲବ ସୂଚନା ଦେଇଛନ୍ତି ।
ସୂଚନାମୁତାବକ, ଦାନ୍ତେୱାଡା ଜିଲ୍ଲାର ଅରଣପୁର ଥାନା ଅନ୍ତଗର୍ତ କାକାରୀ ଅଞ୍ଚଳରେ ରାସ୍ତାକାମ ସର୍ଭେ ଚାଲିଥିଲା । ଏହି ସମୟରେ ଘଟଣାସ୍ଥଳରେ ଉପସ୍ଥିତ ଥିବା ଦୁଇ ଇଞ୍ଜିନିଅରଙ୍କ ସମେତ ଜଣେ ଠିକାଦାରଙ୍କୁ 15 ରୁ 20 ସଶସ୍ତ୍ର ମାଓବାଦୀ ଗତକାଲି ଅପହରଣ କରିନେଇଥିଲେ । ଆଜି ସେମାନଙ୍କୁ ମାଓ ସଙ୍ଗଠନ ଛାଡି ଦେଇଥିବା ଜଣାପଡିଛି ।