ମାଲକାନଗିରି: ଗୁରୁବାର ପୋଲିସ ଓ ମାଓବାଦୀ ମଧ୍ୟରେ ହୋଇଥିବା ଗୁଳିବିନିମୟର ହୋଇଛି ଖୁଲାସା । ମାଲକାନଗିରି ଜିଲ୍ଲା ମୁଦୁଲିପଡା ଥାନା ଅନ୍ତର୍ଗତ ଗୟିଗୁଡା ଜଙ୍ଗଲରେ ପୋଲିସ ଓ ନକ୍ସଲ ପନ୍ଥୀଙ୍କ ମଧ୍ୟରେ ଗୁଳି ବିନିମୟର ହୋଇଥିଲା । ଯାହାର ଖୁଲାସା କରିଛନ୍ତି କରିଛନ୍ତି ଦକ୍ଷିଣ ପଶ୍ଚିମାଞ୍ଚଳ ଡି.ଆଇ.ଜି ସଫିନ ଅହମ୍ମଦ କେ ।
ମାଓ କ୍ୟାମ୍ପ ଧ୍ବଂସ, ବିପୁଳ ପରିମାଣର ମାଓସାମଗ୍ରୀ ଜବତ
ଗତ ଏକ ସପ୍ତାହ ଧରି ନକ୍ସଲ ସଂଗଠନର ୨୨ ଜଣ ସଦସ୍ୟ ବଣ୍ଡା ଘାଟିରେ ମାଓ କ୍ୟାମ୍ପ କରି ସରକାରଙ୍କ ଉନ୍ନୟନ ମୂଳକ କାର୍ଯ୍ୟରେ ବାଧା ସୃଷ୍ଟି କରୁଥିଲେ । ପୋଲିସର ଗୁଇନ୍ଦା ବିଭାଗକୁ ଏହି ସୂଚନା ମିଳିବା ପରେ ମାଲକାନଗିରି ଏସ.ପି. ରିଷିକେଶ ଖିଲାରୀ ଓ ଏସ.ଡି.ପି.ଓ ପ୍ରହଲ୍ଲାଦ ମିନାଙ୍କ ନେତୃତରେ ଡିବିଏଫ, ଏସଓଜି ଓ ବି.ଏସ.ଏଫ ବାହିନୀର ମିଳିତ ଅପରେସନ ଆରମ୍ଭ କରାଯାଇଥିଲା । ସୁରକ୍ଷା କର୍ମୀଙ୍କୁ ଦେଖି ମାଓବାଦୀମାନେ ପ୍ରଥମେ ଗୁଳି ଚାଳନା କରିଥିଲେ ପରେ ଜବାବରେ ଯବାନ ମାନେ ପାଲଟା ଆକ୍ରମଣ କରିଥିଲେ ।