ମାଲକାନଗିରି:ସ୍ବାଭିମାନ ଅଞ୍ଚଳରେ ଭାଙ୍ଗିବାରେ ଲାଗିଛି ମାଓଗଡ଼ । ସୋମବାର 500 ଜଣ ମାଓ ମିଲିସିଆ ସମାଜର ମୁଖ୍ୟସ୍ରୋତରେ ସାମିଲ ହେବାକୁ ମାଲକାନଗିରି ପୋଲିସ ଓ ବିଏସଏଫ ଡିଆଇଜିଙ୍କ ନିକଟରେ ଆତ୍ମସମର୍ପଣ କରିଛନ୍ତି ( Maoist supporters surrendered in Malkangiri) । ଆତ୍ମସମର୍ପଣ କରିଥିବା ମିଲିସିଆ ପୋଲିସ ସହ ମିଶି ମାଓବାଦୀଙ୍କ ଶହୀଦ ସ୍ତମ୍ଭକୁ ଭାଙ୍ଗିଛନ୍ତି ।
ଆତ୍ମସମର୍ପଣ କରିଥିବା ସମସ୍ତ ମିଲିସିଆ ଚିତ୍ରକୋଣ୍ଡା ଥାନା ଅନ୍ତର୍ଗତ ରାଲେଗେଡ଼ା ପଞ୍ଚାୟତ ଓ ଧୂଳିପୁଟ ପଞ୍ଚାୟତ ବାସିନ୍ଦା ବୋଲି ଜଣାପଡ଼ିଛି । ସୁରକ୍ଷାକର୍ମୀଙ୍କ କୁମ୍ବିଂ ଅପରେସନ ଓ ସରକାରଙ୍କ ବିକାଶମୂଳକ କାର୍ଯ୍ୟରେ ଆକୃଷ୍ଟ ହୋଇ ହୋଇ ଏମାନେ ହିଂସାର ପଥକୁ ତ୍ୟାଗ କରିଛନ୍ତି । ଆଜି ଆତ୍ମ ସମର୍ପଣ କରିବା ପରେ ମାଓବାଦୀଙ୍କ କୁଶପୁତ୍ତଳିକା ଦାହ କରିଛନ୍ତି 500 ମାଓ ସମର୍ଥକ । ଦୀର୍ଘ ଦିନ ପରେ ମାଲକାନଗିରିର ବିଚ୍ଛିନ୍ନାଞ୍ଚଳରୁ ଏତେ ସଂଖ୍ୟାରେ ମିଲିସିଆ ସମାଜର ମୁଖ୍ୟ ସ୍ରୋତରେ ସାମିଲ ହେବାକୁ ଆଗେଇ ଆସିଛନ୍ତି ।
ମାଲକାନଗିରିରେ ଗଡୁଛି ମାଓଗଡ, ପୋଲିସ ନିକଟରେ 500 ମିଲିସିଆଙ୍କ ଆତ୍ମ ସମର୍ପଣ