ବିଲରୁ ଯୁବକଙ୍କ ଗଳିତ ମୃତଦେହ ଉଦ୍ଧାର

ମାଲକାନଗିରି ଜିଲ୍ଲା ଅର୍କେଲ ଥାନା ଅଞ୍ଚଳର ନୀଳାଦ୍ରିନଗର କଲେଜ ହଷ୍ଟେଲ ନିକଟରେ ଥିବା ବିଲରୁ ଜଣେ ଯୁବକଙ୍କ ଗଳିତ ମୃତଦେହ ଉଦ୍ଧାର  କରାଯାଇଛି । ମୃତ ଯୁବକ ଜଣଙ୍କ ନିର ସାମନ୍ତରାୟ ବୋଲି ଜଣାପଡିଛି ।

ମାଲକାନଗିରି: ବିଲରୁ ଯୁବକଙ୍କ ଗଳିତ ମୃତଦେହ ଉଦ୍ଧାର । ମାଲକାନଗିରି ଜିଲ୍ଲା ଅର୍କେଲ ଥାନା ଅଞ୍ଚଳର ନୀଳାଦ୍ରିନଗର କଲେଜ ହଷ୍ଟେଲ ନିକଟରେ ଥିବା ବିଲରୁ ଜଣେ ଯୁବକଙ୍କ ଗଳିତ ମୃତଦେହ ଉଦ୍ଧାର କରାଯାଇଛି । ମୃତ ଯୁବକ ଜଣଙ୍କ ନିର ସାମନ୍ତରାୟ ବୋଲି ଜଣାପଡିଛି ।

ସୂତନା ଅନୁଯାୟୀ, ଗତ 6 ଦିନ ହେବ ଘରୁ ଚାଷକାମ ପାଇଁ ଆସି ନିର ନିଖୋଜ ହୋଇଥିଲେ । ପରେ ପରିବାର ଲୋକେ ତାଙ୍କୁ ଖୋଜାଖୋଜି କରିବା ପରେ ତାଙ୍କୁ ନ ପାଇ ଅର୍କେଲ ଥାନାରେ ଏକ ଲିଖିତ ଅଭିଯୋଗ କରିଥିଲେ ।

ତେବେ ଶନିବାର ନିରଙ୍କ ମୃତଦେହ ନୀଳାଦ୍ରିନଗର କଲେଜ ହଷ୍ଟେଲ ନିକଟ ବିଲରୁ ଉଦ୍ଧାର ହୋଇଛି । ତେବେ ବିଦ୍ୟୁତ ଆଘାତରେ ନୀରଙ୍କ ମୃତ୍ୟୁ ହୋଇଥିବା ସନ୍ଦେହ କରି ଗ୍ରାମବାସୀ ବିଦ୍ୟୁତ୍ ବିଭାଗର ଜେଇଙ୍କୁ ଘଟଣାସ୍ଥଳରେ ଅଟକ ରଖିଛନ୍ତି। ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି ।

ମାଲକାନଗିରିରୁ ଜୟନ୍ତ ତିଆଡି, ଇଟିଭି ଭାରତ