ମାଲକାନଗିରି: ଆଜି ସାରା ବିଶ୍ୱ ପାଳୁଛି ଯୋଗ ଦିବସ । ପଞ୍ଚମ ଅନ୍ତରାଷ୍ଟ୍ରୀୟ ଯୋଗ ଦିବସ ଅବସରରେ ଦେଶର ବିଭିନ୍ନ ସ୍ଥାନରେ ପାଳନ ହୋଇଯାଇଛି ଯୋଗାଭ୍ୟାସ କାର୍ଯ୍ୟକ୍ରମ । ଆଉ ଏହି ବିଶ୍ବ ଉତ୍ସବରୁ ବାଦ ପଡି ନାହିଁ ଆଦିବାସି ଅଧ୍ୟୁଷିତ ମାଲକାନଗିରି ଜିଲ୍ଳା ।
ଭିଡ଼ିଓ ସୌଜନ୍ଯ: ସମ୍ବାଦଦାତା, ମାଲକାନଗିରି
ସହରର ଥିବା ମାଲ୍ଯବନ୍ତ ହଷ୍ଟେଲ ଠାରେ ଭୋର ୫ଟା ସମୟରେ ଆରମ୍ଭ ହୋଇଯାଇଛି ଯୋଗାଭ୍ୟାସ କାର୍ଯ୍ୟକ୍ରମ । ଏହି ଉତ୍ସବରେ ଜିଲ୍ଲାର ହଜାର ହଜାର ଲୋକ ସାମିଲ ହୋଇ ଯୋଗ କରୁଥିବାର ଦୃଶ୍ୟ ଦେଖିବାକୁ ମିଳିଥିଲା । କାର୍ଯ୍ୟକ୍ରମରେ ମାଲକାନଗିରି ବିଧାୟକ ଆଦିତ୍ୟ ମାଢିଙ୍କଠାରୁ ଆରମ୍ଭ କରି ଜିଲ୍ଲାର ସରକାରୀ ଅଧିକାରୀ ଓ ଛାତ୍ରଛାତ୍ରୀ ଯୋଗ ଦେଇଥିଲେ ।