ମାଲକାନଗିରି: ପୁଣି ଅବକାରୀ ବିଭାଗକୁ ମିଳିଲା ଏକ ସଫଳତା । ରାଜ୍ୟ ବାହାରକୁ ଚୋରା ଚାଲାଣ କରିବା ସମୟରେ ଦିଲଖୁସ ନାମକ ଘରୋଇ ବସରୁ ୬ ଜଣକୁ ଗିରଫ କରିଛି ଜିଲ୍ଲା ଅବକାରୀ ବିଭାଗ ।
ଭିଡିଓ ସୌଜନ୍ୟ : ସମ୍ବାଦଦାତା, ମାଲକାନଗିରି
ମାଲକାନଗିରିରୁ 82କେଜି ଗଞ୍ଜେଇ ଜବତ, 6 ଗିରଫ - malkangiri ganja news
ମାଲକାନଗିରିରେ ଦିଲଖୁସ ନାମକ ଘରୋଇ ବସରୁ ଗଞ୍ଜେଇ ଚାଲାଣ ବେଳେ ଅବକାରୀ ବିଭାଗ 82 କେଜି ଗଞ୍ଜେଇ ଜବତ କରିଛି । ଏହି ଘଟଣାରେ ତିନି ମହିଳାଙ୍କ ସହ 3 ଜଣ ପୁରୁଷଙ୍କୁ ଗିରଫ କରିଛି ଅବକାରୀ ବିଭାଗ ।
ଫଟୋ ସୌଜନ୍ୟ : ସମ୍ବାଦଦାତା, ମାଲକାନଗିରି
ମାଲକାନଗିରି ଜିଲ୍ଲା ପଦ୍ମଗିରି ଅଞ୍ଚଳରୁ ଗଞ୍ଜେଇ କିଣି ନେଇ ପଶ୍ଚିମବଙ୍ଗକୁ ଚୋରାଚାଲାଣ କରାଯାଉଥିଲା । ଜିଲ୍ଲାର ଚମ୍ପାଖାରି ଗ୍ରାମ ନିକଟରେ ଅବକାରୀ ବିଭାଗ କର୍ମଚାରୀ ମାନେ ପେଟ୍ରୋଲିଂ କରୁଥିବା ସମୟରେ ଗୁଇନ୍ଦା ସୂଚନା ପାଇ ଦିଲଖୁସ ନାମକ ଘରୋଇ ବସରୁ ୬ ଜଣଙ୍କୁ ଗିରଫ କରାଯାଇଛି । ଗିରଫଙ୍କ ମଧ୍ୟରେ ୩ଜଣ ପୁରୁଷ ଓ ୩ ଜଣ ମହିଳା ରହିଛନ୍ତି । ସମସ୍ତେ ନିଜ ନିଜ ବ୍ୟାଗରେ ଗଞ୍ଜେଇ ରଖି ଚାଲାଣ କରୁଥିଲେ । ସେମାନଙ୍କୁ ନିକଟରୁ ୮୨ କେଜି ଗଞ୍ଜେଇ ଜବତ କରାଯାଇଛି । ଯାହାର ଅନୁମାନିକ ମୂଲ୍ୟ ୫ ଲକ୍ଷ ଟଙ୍କା ହେବ ବୋଲି ଅବକାରୀ ବିଭାଗର ଇନ୍ସପେକ୍ଟର କହିଛନ୍ତି ।
ମାଲକାନଗିରିରୁ ଜୟନ୍ତ ତିଆଡି, ଇଟିଭି ଭାରତ