ମାଲକାନଗିରି: ଜିଲ୍ଲାପାଳ ମନିଷ ଅଗ୍ରୱାଲଙ୍କ ଗିରଫ ଦାବିରେ ଆସନ୍ତାକାଲି(ଶୁକ୍ରବାର) ଜିଲ୍ଲା ବନ୍ଦ ଡାକରା ଦେଇଛି ଜିଲ୍ଲା କଂଗ୍ରେସ । କଂଗ୍ରେସ ନେତା ତଥା ପ୍ରଦେଶ କଂଗ୍ରେସ କମିଟିର କାର୍ଯ୍ୟକାରୀ ସଭାପତି ପ୍ରଦୀପ ମାଝୀଙ୍କ ନେତୃତ୍ବରେ ଏହି ବନ୍ଦ ପାଳିବ କଂଗ୍ରେସ । ସେପଟେ ଏହାକୁ ଶସ୍ତା ରାଜନୀତି କହି ବିରୋଧ କରିଛି ମାଲକାନଗିରି ଜିଲ୍ଲା କୋୟା ଆଦିବାସୀ ସମାଜ । ଏହାସହ ଜିଲ୍ଲାପାଳଙ୍କ ସପକ୍ଷରେ ଦୁଇ ହଜାର ଆଦିବାସୀଙ୍କୁ ନେଇ ରାଲି କରାଯିବ ବୋଲି ଆଦିବାସୀ ସଂଘ କହିଛି ।
ମାଲକାନଗିରି ଜିଲ୍ଲାପାଳ ପିଏଙ୍କ ଆତ୍ମହତ୍ଯା ବିବାଦ; କଂଗ୍ରେସର ବନ୍ଦ ଡାକରାକୁ କୋୟା ଆଦିବାସୀ ସମାଜର ବିରୋଧ
ଜିଲ୍ଲାପାଳଙ୍କ ବ୍ୟକ୍ତିଗତ ସହାୟକ ଦେବ ନାରାୟଣ ପଣ୍ଡାଙ୍କ ମୃତ୍ୟୁକୁ ନେଇ ମାଲକାନଗିରି ଜିଲ୍ଲାପାଳଙ୍କୁ କଂଗ୍ରେସ ଦାୟୀ କରିବା ସହ ତାଙ୍କୁ ଗିରଫ କରିବାକୁ ଦାବି କରୁଛି ଦଳ । ଏନେଇ ପୂର୍ବରୁ ରାଜରାସ୍ତାକୁ କଂଗ୍ରେସ ଓହ୍ଲାଇ ଥିବାବେଳେ ଆସନ୍ତାକାଲି ମାଲକାନଗିରି ବନ୍ଦ ଡାକରା ଦେଇଛି ।