ମାଲକାନଗିରି: ଜିଲ୍ଲା ରକ୍ତ ଭଣ୍ଡାରରେ ଦେଖାଯାଇଥିଲା ଘୋର ରକ୍ତାଭାବ । ଜୀବନ ବଞ୍ଚିବାର ସଞ୍ଜିବନୀ ଟିକିଏ ନଥିବାରୁ ଅନେକ ଆଶା ଆଶଙ୍କାରେ ଥିଲେ ରୋଗୀ । ବହୁ ମୂଲ୍ୟ ଜୀବନ ବଞ୍ଚିାଇବା ଯେମିତି ହୋଇଯାଇଥିଲା ଅସମ୍ଭବ । ଏହି ଖବରକୁ ଗୁରୁତ୍ବର ସହ ପ୍ରଥମେ ପ୍ରସାରଣ କରିଥିଲା ‘ଇଟିଭି ଭାରତ’ ।
ଭିଡ଼ିଓ ସୌଜନ୍ୟ: ସମ୍ବାଦଦାତା,ମାଲକାନଗିରି
‘ଇଟିଭି ଭାରତ’ରେ ଖବର ପ୍ରସାରଣ ହେବା ପରେ ମାଲକାନଗିରି ଜିଲ୍ଲା ପୋଲିସକୁ କରିଥିଲା ଅଧିକ ପ୍ରଭାବିତ । ଫଳରେ ଜିଲ୍ଲା ପୋଲିସ ପକ୍ଷରୁ ମାଲକାନଗିରି ମଡ଼େଲ ଥାନାରେ ଏକ ରକ୍ତଦାନ ଶିବିର ଅନୁଷ୍ଠିତ ହୋଇଯାଇଛି । ଯେଉଁଥିରେ ଜିଲ୍ଲା ଆରକ୍ଷୀ ଅଧିକ୍ଷକ ଜଗମୋହନ ମିନା ଓ ଏସଡିପିଓ ହୃଷିକେଶ ଡି ଖିଲାରିଙ୍କ ସହ ମାଲକାନଗିରି ଥାନା ଅଧିକାରୀ ରଞ୍ଜନ କୁମାର ସାହୁ ଓ ଜିଲ୍ଲାର ଅନେକ ପୋଲିସ ଅଧିକାରୀ ରକ୍ତଦାନ କରିଛନ୍ତି ।