ମାଲକାନଗିରି: ଜିଲ୍ଲାରେ ଚାଷୀଙ୍କ ଧନ କ୍ରୟ ସମସ୍ୟାକୁ ନେଇ ପୁଣି ଜିଲ୍ଲାପାଳଙ୍କୁ ଭେଟିଲା ବିଜେପି ପ୍ରତିନିଧି ଦଳ । ଏନେଇ ଜିଲ୍ଲାପାଳ ୱାଇ ବିଜୟଙ୍କୁ ଭେଟି ଦାବିପତ୍ର ପ୍ରଦାନ କରିଛନ୍ତି । ଚାଷୀଙ୍କ ଦାବି ପୂରଣ ନ ହେଲେ ଆସନ୍ତା ମଙ୍ଗଳବାରରୁ ଆନ୍ଦୋଳନ ପାଇଁ ଚେତାବନୀ ଦେଇଛି ଜିଲ୍ଲା ବିଜେପି ।
ଧାନକ୍ରୟ ସମସ୍ୟାକୁ ନେଇ ପୁଣି ଜିଲ୍ଲାପାଳଙ୍କୁ ଭେଟିଲା ମାଲକାନଗିରି ଜିଲ୍ଲା ବିଜେପି
ଗତ ୧୬ ତାରିଖରେ ମାଲକାନଗିରି ଜିଲ୍ଲା ବିଜେପି ପକ୍ଷରୁ ଏକ ପ୍ରତିନିଧି ଦଳ ଜିଲ୍ଲାପାଳଙ୍କୁ ଭେଟି ଚାଷୀଙ୍କ ଧାନ କ୍ରୟ ନେଇ ଆଲୋଚନା କରିଥିଲେ । କିନ୍ତୁ କୌଣସି ସୁଫଳ ନମିଳିବାରୁ ଆଜି ପୁଣି ବିଜେପିର ଏକ ପ୍ରତିନିଧି ଦଳ ଜିଲ୍ଲାପାଳଙ୍କ ନିକଟରେ ପହଞ୍ଚି ସୋମବାର ଶେଷ ଦିନ ଧାର୍ଯ୍ୟ କରିଛନ୍ତି । ସୋମବାର ଠାରୁ ଯଦି ଧାନ କ୍ରୟ କରାନଯିବ ତେବେ ଆସନ୍ତା ମଙ୍ଗଳବାର ଦିନ ବିଜେପି ରାଜରାସ୍ତାକୁ ଓହ୍ଲାଇବାକୁ ବାଧ୍ୟ ହେବ ବୋଲି ଚେତାବନୀ ଦେଇଛି ।