ବାଲିମେଳା ଜଳଭଣ୍ଡାର ଡଙ୍ଗା ବୁଡି ଘଟଣା: ତିନି ମୃତଦେହ ଉଦ୍ଧାର

ମାଲକାନଗିରି ବାଲିମେଳା ଜଳଭଣ୍ଡାର ଡଙ୍ଗା ବୁଡି ଘଟଣାରେ ସୋମବାର ଆଉ ତିନି ଜଣଙ୍କ ମୃତଦେହ ଉଦ୍ଧାର କରାଯାଇଛି।ଏନେଇ  ସୂଚନା ଦେଇଛନ୍ତି ମାଲକାନଗିରି ଜରୁରୀ କାଳୀନ ଅଧିକାରୀ ।

ମାଲକାନଗିରି: ମାଲକାନଗିରି ବାଲିମେଳା ଜଳଭଣ୍ଡାର ଡଙ୍ଗା ବୁଡି ଘଟଣାରେ ସୋମବାର ଆଉ ତିନି ଜଣଙ୍କ ମୃତଦେହ ଉଦ୍ଧାର କରାଯାଇଛି । ଏନେଇ ସୂଚନା ଦେଇଛନ୍ତି ମାଲକାନଗିରି ଜରୁରୀ କାଳୀନ ଅଧିକାରୀ ।

ଉଦ୍ଧାର ହୋଇଥିବା ମୃତ ତିନି ଜଣ ବ୍ୟକ୍ତି ହେଲେ ସନାଦେଇ ଗଲରି, ତାଙ୍କ ସ୍ବାମୀ ମଙ୍ଗଳା ଗଲରି ଏବଂ ତାଙ୍କ ଝିଅ ଦିପାଳି ଗଲରି ।

ପ୍ରକାଶ ଥାଉକି ଗତ ରବିବାର 4ଜଣ ଗ୍ରାମବାସୀ ନାକାମାମୁଡିରୁ ତୋଟାଗୁଡାକୁ ଏକ ଦେଶୀ ଡଙ୍ଗାରେ ଆସୁଥିବା ବେଳେ ବର୍ଷା ପବନରେ ଡଙ୍ଗାଟି ଆମ୍ବିଳୀବେଡା ଠାରେ ଓଲଟିଥିଲା । ଚିତ୍ରକୋଣ୍ଡା ବାଲିମେଳା ଜଳଭଣ୍ଡାରରେ ଯାତ୍ରୀବାହି ଡଙ୍ଗା ବୁଡିଯାଇଥିଲା । ଏଥିରେ ତିନି ଜଣ ନିଖୋଜ ହୋଇଯାଇଥଲେ । ହେଲେ ଏଥରୁ ଅଳ୍ପକେ ବର୍ତ୍ତିଯାଇଥଲେ ଜଣେ ଯାତ୍ରୀ ।

ମାଲକାନଗିରିରୁ ଜୟନ୍ତ ତିଆଡି, ଇଟିଭି ଭାରତ