ସୁକମା କିଷ୍ଟାରାମ ଜଙ୍ଗଲରେ ଲ୍ୟାଣ୍ଡମାଇନ ବିସ୍ଫୋରଣ, ଡେପୁଟି କମାଣ୍ଡାଣ୍ଟ ଶହୀଦ

10:54 December 14

ସୁକମା କିଷ୍ଟାରାମ ଜଙ୍ଗଲରେ ଲ୍ୟାଣ୍ଡମାଇନ ବିସ୍ଫୋରଣ, ଡେପୁଟି କମାଣ୍ଡାଣ୍ଟ ଶହୀଦ

ସୁକମା କିଷ୍ଟାରାମ ଜଙ୍ଗଲ

ମାଲକାନଗିରି : ସୀମାନ୍ତ ଛତିଶଗଡ ସୁକମା କିଷ୍ଟାରାମ ଜଙ୍ଗଲରେ ଲ୍ୟାଣ୍ଡମାଇନ ବିସ୍ଫୋରଣ ହୋଇଛି । ଏଥିରେ ଆସିଷ୍ଟାଣ୍ଟ କମାଣ୍ଡାଣ୍ଟ ଶହୀଦ ହୋଇଛନ୍ତି । ଘଟଣା ଅନୁଯାୟୀ, ଗତକାଲି(ରବିବାର) 208 ବାଟାଲିଆନର ସିଆରପିଏଫ କୋବ୍ରା ଯବାନ ସର୍ଚ୍ଚ ଅପରେସନ ପାଇଁ କିଷ୍ଟାରାମ ଜଙ୍ଗଲକୁ ଯାଇଥିଲେ। ଜଙ୍ଗଲରେ ସର୍ଚ୍ଚ ଅପରେସନ କରୁଥିବାବେଳେ ଯବାନମାନେ ଲ୍ୟାଣ୍ଡମାଇନ ଉଦ୍ଧାର କରିଥିଲେ।  

ଯବାନଙ୍କୁ ଟାର୍ଗେଟ କରି ନକ୍ସଲ ଏହି ଲ୍ୟାଣ୍ଡମାଇନ ପୋତିଥିଲେ। ଯବାନ ବୋମାକୁ ନିଷ୍କ୍ରିୟ କରିବା ପାଇଁ ସଜବାଜ ହେଉଥିବାବେଳେ ଅଚାନକ ବୋମାଟି ବିସ୍ଫୋରଣ ହୋଇଥିଲା। ଏ ବିସ୍ଫୋରଣରେ ଡେପୁଟି କମାଣ୍ଡାଣ୍ଟ ବିକାଶ କୁମାରଙ୍କ ସହ ଅନ୍ୟ 2ଜଣ ସହଯୋଗୀ ଗୁରୁତର ଆହତ ହୋଇଥିଲେ।  

ଆହତ 3ଜଣଙ୍କୁ ପ୍ରଥମେ ସିଆରପିଏଫ କ୍ୟାମ୍ପକୁ ନେଇ ପ୍ରାଥମିକ ଚିକିତ୍ସା କରାଯାଇଥିଲା । ପରେ ହେଲିକପ୍ଟର ଯୋଗେ ରାୟପୁରକୁ ସ୍ଥାନାନ୍ତର କରାଯାଇଥିଲା। ଆଜି ଚିକିତ୍ସା ସମୟରେ ଡେପୁଟି କମାଣ୍ଡାଣ୍ଟ ଶହୀଦ ହୋଇଛନ୍ତି। ଗତ 15 ଦିନ ମଧ୍ୟରେ 2ଜଣ ସିଆରପିଏଫ ଅଧିକାରୀ ଶହୀଦ ହୋଇସାରିଲେଣି।

ମାଲକାନଗିରିରୁ ଦେବଦତ୍ତ ବେହେରା, ଇଟିଭି ଭାରତ