ମାଲକାନଗିରି: ଯୁବ ଖେଳାଳିଙ୍କ ଚିହ୍ନଟ ଲାଗି ମାଲକାନଗିରି ଜିଲ୍ଲାରେ ଶୁଭ ଉଦ୍ଘାଟନ ହୋଇଛି ଖେଲୋ ଇଣ୍ଡିଆ। 3ଦିନ ଧରି ଜିଲ୍ଲା ସ୍ପୋର୍ଟ୍ସ କମ୍ପ୍ଲେକ୍ସରେ ଚାଲିବାକୁ ଥିବା ଏହି ଖେଲୋ ଇଣ୍ଡିଆକୁ ଆଜି ମୁଖ୍ୟ ଅତିଥି ଭାବେ ନବରଙ୍ଗପୁର ସାଂସଦ ରମେଶ ମାଝୀ ଉଦଘାଟନ କରିଛନ୍ତି। ଜିଲ୍ଲାର 7ଟି ବ୍ଲକର ବିଭିନ୍ନ ବିଦ୍ୟାଳୟରୁ ଶତାଧିକ ଖେଳାଳି ଏହି ଖେଲୋ ଇଣ୍ଡିଆରେ ଯୋଗ ଦେଇଛନ୍ତି।
ବିଶେଷ କରି ଖେଳାଳି ତୀରନ୍ଦାଜ, ଭଲିବଲ, ଦୌଡ, ଜାଭଲିନ, କବାଡି ସହ ବିଭିନ୍ନ ଖେଳରେ ଭାଗ ନେଇ ନିଜ ପ୍ରତିଭା ପ୍ରଦର୍ଶନ କରିବେ ଏବଂ ସେଥିରେ ଭଲ ପ୍ରଦର୍ଶନ କରିଥିବା ଖେଳାଳିଙ୍କୁ ଚିହ୍ନଟ କରାଯିବ। ଜିଲ୍ଲା ସ୍ପୋର୍ଟ୍ସ ଏକାଡେମୀରେ ଆଗାମୀ ଦିନରେ ପ୍ରଶାସନ ପକ୍ଷରୁ ତାଙ୍କୁ ସମସ୍ତ ପ୍ରଶିକ୍ଷଣ ପ୍ରଦାନ କରାଯିବା ସହ ଆଗାମୀ ଦିନରେ ରାଜ୍ୟସ୍ତରର ଖେଳରେ ଭାଗ ନେବାର ସୁଯୋଗ ପ୍ରଦାନ କରାଯିବ।
ମାଲକାନଗିରିରେ ଖେଲୋ ଇଣ୍ଡିଆର ଉଦ୍ଘାଟନ