ମାଲକାନଗିରି: ଗଞ୍ଜେଇ ମାଫିଆଙ୍କ ମାଡରେ ହୋମଗାର୍ଡଙ୍କ ମୃତ୍ୟୁ ହୋଇଛି । ମୃତ ହୋମଗାର୍ଡ ବନବାସୀ ମହାରଣାଙ୍କୁ ଜିଲ୍ଲା ପୋଲିସ ପକ୍ଷରୁ ଗାର୍ଡ ଅଫ ଅନର ପ୍ରଦାନ କରାଯାଇଛି । ଏଥିସହ ମାଲକାନଗିରି ଜିଲ୍ଲା ପୋଲିସ ଦ୍ୱାରା 36 ଗଞ୍ଜେଇ ମାଫିଆଙ୍କୁ ଗିରଫ କରାଯାଇଛି । ଗିରଫ ସମସ୍ତ ମାଫିଆ ନବରଙ୍ଗପୁର ଜିଲ୍ଲାର କଷାଗୁମୁଡ଼ା ଅଞ୍ଚଳର ଗଞ୍ଜେଇ କାଉଡ଼ିଆ ବୋଲି ସୂଚନା ଦେଇଛନ୍ତି ମାଲକାନଗିରି ଏସପି ଋଷିକେଶ ଦୟାନନ୍ଦ ଖିଲାରୀ ।
ଗଞ୍ଜେଇ ମାଫିଆଙ୍କ ମାଡରେ ମୃତ ହୋମଗାର୍ଡଙ୍କୁ ଗାର୍ଡ ଅଫ ଅନର ପ୍ରଦାନ
ରବିବାର ଗଞ୍ଜେଇ କାଉଡ଼ିଆଙ୍କୁ ଧରିବାକୁ ଯିବାବେଳେ ଜଣେ ହୋମଗାର୍ଡଙ୍କ ମୃତ୍ୟୁ ହୋଇଥିଲା । ଶହୀଦ ହୋମଗାର୍ଡ ବନବାସୀ ମହାରଣାଙ୍କୁ ଜିଲ୍ଲା ପୋଲିସ ପକ୍ଷରୁ ସୋମବାର ଗାର୍ଡ ଅଫ ଅନର ଦିଆଯାଇଛି । ଏହି ଘଟଣା ପରେ ଜିଲ୍ଲାର ବିଭିନ୍ନ ସ୍ଥାନରେ ଗଞ୍ଜେଇ କାଉଡ଼ିଆ ଲୁଚି ରହିଥିବା ବେଳେ ପୋଲିସ ସେମାନଙ୍କୁ ଗିରଫ କରିବାରେ ସଫଳ ହୋଇଛି ।