ମାଲକାନଗିରି: ଦିନକୁ ଦିନ ରାଜ୍ୟରେ କୋରୋନା ରୋଗୀଙ୍କ ସଂଖ୍ୟା ହ୍ରାସ ପାଉଥିଲେ ମଧ୍ୟ ଏବେ ବି ସଂକ୍ରମଣ ଭୟ ଲାଗି ରହିଛି । ଏଭଳି ସ୍ଥିତିରେ ଗାଁ ଗାଁରେ ଏବେ ବେଧଡକ ଭାବରେ ଚାଲିଛି ଜୁଆଖେଳ । ମାଲକାନଗିରି ଜିଲ୍ଲା କାଲିମେଳା ବ୍କକ ପୁସୁଗୁଡା ଅଞ୍ଚଳରେ ଏହି ଘଟଣା ପ୍ରକାଶ ପାଇଛି । ଲକ୍ଷ ଲକ୍ଷ ଟଙ୍କା ଲାଗୁଛି ଏହି ଜୁଆଖେଳରେ । ଯୁବବର୍ଗ ଠାରୁ ଆରମ୍ଭ କରି ନାବାଳକମାନେ ମଧ୍ୟ ଏହି ଖେଳରେ ସାମିଲ ହେଉଥିବାର ଦେଖିବାକୁ ମିଳିଛି । ତେବେ ଏଥିରେ ପୋଲିସର ଭୂମିକା ସନ୍ଦେହ ଘେରରେ ରହିଛି । ଗାଁ ଗାଁରେ ଖୁଲାମଖୁଲା ଜୁଆ ଖେଳ ଚାଲୁଥିଲେ ମଧ୍ୟ କିପରି ପୋଲିସ ଏ ସମ୍ପର୍କରେ ଅଜଣା ରହିଛି ତାହା ଚିନ୍ତାର ବିଷୟ ପାଲଟିଛି ।
କୋଭିଡ ନିୟମକୁ ଫୁ, ବେଧଡକ ଚାଲିଛି ଜୁଆଖେଳ
ବିଶେଷ କରି ରାସ୍ତାକଡ଼ ଜମି, ବୁଦୁବିଦିଆ ସ୍ଥାନ କିମ୍ବା ଘର ଭିତରେ ଚାଲୁଛି ଜୁଆ ଆଡ୍ଡା । ସରକାରୀ ଚାକିରିଆ, ବ୍ୟବସାୟୀମାନେ ମଧ୍ୟ ଏହି ଖେଳ ପ୍ରତି ଆଗ୍ରହୀ ହେଉଛନ୍ତି । ଅନ୍ୟପଟେ ଏହା ଯୋଗୁଁ ଅନେକ ପରିବାର ଆଜି ସର୍ବସ୍ବାନ୍ତ ହୋଇଯାଇଥିବା ଦେଖିବାକୁ ମିଳିଛି ।