ମହଙ୍ଗା ପଡ଼ିଲା କାର୍ଯ୍ୟରେ ଅବହେଳା, ମାଲକାନଗିରିରେ ୫ ପୋଲିସ କର୍ମଚାରୀ ନିଲମ୍ବିତ

ମାଲକାନଗିରି ଜିଲ୍ଲା ଓରକେଲ୍ ଥାନା ଅଧିନସ୍ଥ କୁଡୁମୁଲୁଗୁମ୍ମା ଫାଣ୍ଡିର ପୋଲିସ କର୍ମୀଙ୍କ ବିରୋଧରେ ଏଭଳି କାର୍ଯ୍ୟାନୁଷ୍ଠାନ ଗ୍ରହଣ କରାଯାଇଛି । କାର୍ଯ୍ୟରେ ଅବହେଳା ଯୋଗୁ ନିଲମ୍ବିତ ହେଲେ ୫ ପୋଲିସ କର୍ମଚାରୀ(policemen suspended in Malkangiri) । ଅଧିକ ପଢ଼ନ୍ତୁ

ମାଲକାନଗିରି:କାର୍ଯ୍ୟରେ ଅବହେଳା ଯୋଗୁ ନିଲମ୍ବିତ ହେଲେ ୫ ପୋଲିସ କର୍ମଚାରୀ (policemen suspended in Malkangiri)। ମାଲକାନଗିରି ଜିଲ୍ଲା ଓରକେଲ୍ ଥାନା ଅଧିନସ୍ଥ କୁଡୁମୁଲୁଗୁମ୍ମା ଫାଣ୍ଡିର ପୋଲିସ କର୍ମୀଙ୍କ ବିରୋଧରେ ଏଭଳି କାର୍ଯ୍ୟାନୁଷ୍ଠାନ ଗ୍ରହଣ କରାଯାଇଛି । SI କୋମଳଲୋଚନ ନାଏକ ଓ ୪ ଜଣ କନେଷ୍ଟବଳଙ୍କୁ ନିଲମ୍ବିତ କରିଛନ୍ତି ମାଲକାନଗିରି SP ।

ଗଞ୍ଜେଇ କାରବାରରେ ଲିପ୍ତ ଥିବା ବ୍ୟକ୍ତିବିଶେଷଙ୍କୁ ଏହି ପୋଲିସ କର୍ମୀମାନେ ଅହେତୁକ ଅନୁକମ୍ପା ଦେଖାଉଥିବା ଅଭିଯୋଗ ହୋଇଛି । ତେବେ ଏହାକୁ ନେଇ ପୋଲିସ ପକ୍ଷରୁ କୌଣସି ସ୍ପଷ୍ଟୋକ୍ତି ଦିଆଯାଇନାହିଁ । ପ୍ରାଥମିକ ତଦନ୍ତ ବେଳେ ୫ ଜଣଙ୍କୁ ନିଲମ୍ବିତ କରାଯାଇଛି । ତା’ ସହିତ ଅଧିକ ତଦନ୍ତ ଜାରି ରହିଛି । କେଉଁ ଅଭିଯୋଗରେ ୫ ପୋଲିସ କର୍ମୀଙ୍କୁ ନିଲମ୍ବିତ କରାଯାଇଛି ତାହାକୁ ନେଇ କୌଣସି ସ୍ପଷ୍ଟୋକ୍ତି ଦେଇନାହାନ୍ତି ମାଲକାନଗିରି SP । ତେବେ ସେମାନଙ୍କ ବିରୋଧରେ ଥିବା ଅଭିଯୋଗ ପ୍ରମାଣିତ ହେଲେ କଡ଼ା କାର୍ଯ୍ୟାନୁଷ୍ଠାନ ନିଆଯିବ ବୋଲି ସେ ସୂଚନା ଦେଇଛନ୍ତି ।