ମାଲକାନଗିରି: ଦଲାଲ୍ ଓ ବେପାରୀଙ୍କ ହାତରେ ମଣ୍ଡିର ଧାନ ଉଠାର କାରବାର ହେଉଥିବା ଅଭିଯୋଗ ଆଣିଲେ ଚାଷୀ। ଏନେଇ ମାଲକାନଗିରି ଏମଭି-72 ମଣ୍ଡିରେ ଶତାଧିକ ଚାଷୀ ଏକାଠି ହୋଇ ଧାନ ଉଠେଇବାକୁ ବିରୋଧ କରିଥିଲେ । ଯାହାକୁ ନେଇ ଉତ୍ତେଜନା ମଧ୍ୟ ସୃଷ୍ଟି ହୋଇଥିଲା। । ଘଟଣାସ୍ଥଳରେ ପୋଲିସ ପହଞ୍ଚି ପରିସ୍ଥିତିକୁ ଆୟତ୍ତକୁ ଆଣିଥିଲା ।
ସୂଚନାଯୋଗ୍ୟ ଯେ, ମଣ୍ଡିରେ ଦଲାଲ ମାନଙ୍କର କାରବାର ଚାଲିଥିବାର ଅଭିଯୋଗ ଆଣି ଚାଷୀ ଏକାଠି ହୋଇଥିଲେ। 4ଟି ପାଳିରେ ମଣ୍ଡିରେ ଧାନ ଉଠିଥିବା ବେଳେ ସେଠି ମଧ୍ୟରୁ କୌଣସି ଥିରେ ମଧ୍ୟ ଚାଷୀଙ୍କର ଧାନ ଯାଇନଥିବା ଅଭିଯୋଗ ହୋଇଛି । ମଣ୍ତିରେ ଦଲାଲ ରାଜ ଚାଲିଥିବାର ଅଭିଯୋଗ କରୁଥିବା ଚାଷୀ ଜିଲ୍ଲାପ୍ରଶାସନକୁ ଏହାର ତଦନ୍ତ କରିବା ପାଇଁ ଦାବି କରିଛନ୍ତି । ନଚେତ ଆଗାମୀ ଦିନରେ ମଣ୍ଡିକୁ ବନ୍ଦ କରି ଦିଆଯିବ ବୋଲି ଚାଷୀ କହିଛନ୍ତି। ମଣ୍ଡିରେ ଜିଲ୍ଲାପରିଷଦ ଉତ୍ତମ ରାୟ ଓ ଏମଭି 79 ପୁଲିସ ପହଂଚି ବୁଝାସୁଝା କରୁଛନ୍ତି।
ମାଲକାନଗିରିରୁ ଦେବଦତ୍ତ ବେହେରା , ଇଟିଭି ଭାରତ
