ପୋଲିସ-ମାଓବାଦୀ ଗୁଳିବିନିମୟ: ଜଣେ ମାଓବାଦୀ ମୃତ

ମାଲକାନଗିରି ସୀମାନ୍ତରେ ମାଓବାଦୀ ଓ ପୋଲିସ ମଧ୍ୟରେ ଗୁଳିବିନିମୟ । ଜଣେ ମାଓବାଦୀର ମୃତଦେହ ଠାବ ।

ମାଲକାନଗିରି: ଛତିଶଗଡ ଓ ମାଲକାନଗିରି ସୀମାନ୍ତରେ ପୋଲିସ ଓ ମାଓବାଦୀ ମଧ୍ୟରେ ଗୁଳିବନିମୟ । ଛତିଶଗଡ଼ ରାଜ୍ୟର ଦାନ୍ତେୱାଡା ଜିଲ୍ଲାର କଟକଲ୍ୟାଣ ଥାନା ଅନ୍ତର୍ଗତ ଦାବା ଜଙ୍ଗଲରେ ଏହି ଗୁଳିବିନିମୟ ହୋଇଛି । ଏନକାଉଣ୍ଟର ପରେ ଜଣେ ମାଓବାଦୀର ମୃତଦେହ ଠାବ କରାଯାଇଛି ।

ଜଙ୍ଗଲରେ ମାଓ କ୍ୟାମ୍ପ ଚାଲିଥିବା ସୂଚନା ମିଳିବା ପରେ ଡିଆରଜିର ଯବାନ କୁମ୍ବିଙ୍ଗ ଅପରେସନ ଆରମ୍ଭ କରିଥିଲେ । ଯବାନଙ୍କୁ ଦେଖି ମାଓବାଦୀ ଗୁଳି ଚାଳନା କରିବାରୁ ଯବାନମାନେ ପାଲଟା ଆକ୍ରମଣ କରିଥିଲେ । ବର୍ତ୍ତମାନ ଖବର ମୁତାବକ ଜଣେ ମାଓବାଦୀର ମୃତଦେହ ମିଳିଥିବାବେଳେ ଅନେକ ମାଓବାଦୀ ମୃତ ହୋଇଥିବା ଆଶଙ୍କା କରାଯାଉଛି । ଏହାସହ ଯବାନମାନେ ମଧ୍ୟ ମାଓବାଦୀଙ୍କ ଗୁଳିରେ ଆହତ ହୋଇଥିବା ଜଣାପଡ଼ିଥିବାବେଳେ ଦନ୍ତେୱାଡା ଜିଲ୍ଲା ମୁଖ୍ୟ ଚିକିତ୍ସାଳୟକୁ ଆଲର୍ଟ କରାଯାଇଛି । ବର୍ତ୍ତମାନ ମଧ୍ୟ ଘଟଣାସ୍ଥଳରେ ଗୁଳିବିନିମୟ ଜାରି ରହିଥିବା ଜଣାପଡିଛି ।

ମାଲକାନଗିରିରୁ ଜୟନ୍ତ ତିଆଡି, ଇଟିଭି ଭାରତ