ମାଲକାନଗିରି: ମାଲକାନଗିରି ସିମାନ୍ତରେ ପୋଲିସ ଏବଂ ମାଓବାଦୀ ମଧ୍ୟରେ ଗୁଳି ବିନିମୟ ଘଟିଛି । ଏଥିରେ ଜଣେ ମାଓବାଦୀ ମୃତ୍ୟୁ ଘଟିଥିବା ଜଣାପଡିଛି ।
ସୁଚନା ମୁତାବକ, ମାଲକାନଗିରି ସିମାନ୍ତ ଛତିଶଗଡ ସୁକମା ଜିଲ୍ଲାର ଭେଜି ଥାନା ଅନ୍ତର୍ଗତ ଗଞ୍ଚାନପାଲି ଜଙ୍ଗଲରେ ମାଓ କ୍ୟାମ୍ପ ଥିବା ନେଇ ଗୁଇନ୍ଦା ସୁତ୍ରରୁ ଖବର ମିଳିବା ପରେ ଡିଆରଜିର ଯବାନ କୁମ୍ବିଂ ଅପରେସନ ଜାରି କରିଥିଲେ ।
ଯବାନଙ୍କ ଆସିବା ପରେ ମାଓବାଦୀ ଗୁଳି ଚାଳନା କରିବାରୁ ଯବାନମାନେ ମଧ୍ୟ ମାଓବାଦୀଙ୍କୁ ପାଲଟା ଜବାବ ଦେଇଥିଲେ । ଫଳରେ ଏଥିରେ ଜଣେ ମାଓବାଦୀ ନିହତ ହୋଇଥିବା ବେଳେ ଘଟଣା ସ୍ଥଳରୁ ବିପୁଳ ଅସ୍ତ୍ରଶସ୍ତ୍ର ଜବତ କରାଯାଇଥିବା ନେଇ ସୁକମା ଏସପି ସୁଲଭ ସିହ୍ନା ସୂଚନା ଦେଇଛନ୍ତି। ନିହତ ହୋଇଥିବା ମାଓବାଦୀ ଜଣଙ୍କ ଜନମୋର୍ଚ୍ଚା କମାଣ୍ଡର କାଡତି ମୁତ୍ତା। ତାଙ୍କ ମୁଣ୍ଡରେ 1 ଲକ୍ଷ ଟଙ୍କାର ପୁରସ୍କାର ଥିବା ପୋଲିସ ପକ୍ଷରୁ କୁହାଯାଇଛି।
ମାଲକାନଗିରିରୁ ଜୟନ୍ତ ତିଆଡି, ଇଟିଭି ଭାରତ
