ମାଲକାନଗିରି: କୋଭିଡ ରୋଗୀଙ୍କ ସହ କଥା ହେବା ପାଇଁ ଆରମ୍ଭ ହେଲା ଇ ସାକ୍ଷାତ । ମାଲକାନଗିରି ଜିଲ୍ଲାରେ ପ୍ରଥମ କରି ଏହି ସୁବିଧା ଜିଲ୍ଲାବାସୀଙ୍କ ପାଇଁ ଉପଲବ୍ଧ କରାଯାଇଛି । ଜିଲ୍ଲା ପ୍ରଶାସନ ଏବଂ ସ୍ବାସ୍ଥ୍ୟ ବିଭାଗର ମିଳିତରେ ଏକ ସୁନ୍ଦର ପ୍ରୟାସ ଆରମ୍ଭ ହୋଇ ପାରିଛି । କୋରୋନା ରୋଗୀଙ୍କ ସ୍ବାସ୍ଥ୍ୟ ଏବଂ ମାନସିକ ସନ୍ତୁଳନ ରଖିବା ଏହାର ମୁଖ୍ୟ ଉଦ୍ଦେଶ୍ୟ । ଏହି ଇ ସାକ୍ଷାତରେ ଭିଡିଓ କଲ ମାଧ୍ୟମରେ କଥା ହେଇପାରିବେ କୋଭିଡ ଆକ୍ରାନ୍ତ ।
କୋଭିଡ ରୋଗୀଙ୍କ ସହ କଥା ହେବା ପାଇଁ ଆରମ୍ଭ ହେଲା ଇ ସାକ୍ଷାତ ଏଥି ପାଇଁ କୋଭିଡ ମେଡିକାଲରେ ସାଧାରଣ ରୋଗୀଙ୍କ ପାଇଁ ରହିଛି ଦୁଇଟି 40 ଇଞ୍ଚର LED । ଏବଂ ଗୁରୁତର ରୋଗୀଙ୍କ ପାଇଁ ଲ୍ୟାପଟପର ବ୍ୟବସ୍ଥା କରାଯାଇଛି । ଅଧିକ ନେଟର ସ୍ପିଡ଼ ପାଇଁ ଫାଇବର କେଵଲର ବ୍ୟବହାର କରାଯାଇଛି । ଅନ୍ୟପଟେ ରୋଗୀଙ୍କ ସମ୍ପର୍କୀୟଙ୍କ ପାଇଁ ମଧ୍ୟ ମେଡିକାଲ ବାହାରେ ଏକ ସ୍ବତନ୍ତ୍ର ଇ ସାକ୍ଷାତ କୋଠରୀର ବ୍ୟବସ୍ଥା କରାଯାଇଛି। ତେବେ ଏହି ସୁବିଧା ହେବା ପରେ ରୋଗୀ ଆଉ ସମ୍ପର୍କୀୟଙ୍କ ମଧ୍ୟରେ ଆଉ ଦୂରତା ରହିବନି । ଏଭଳି ପଦକ୍ଷେପ ଯୋଗୁଁ ଜିଲ୍ଲା ପ୍ରଶାସନକୁ ଭୂୟସୀ ପ୍ରଶଂସା କରାଯାଇଛି ।
ମାଲକାନଗିରିରୁ ଦେବଦତ୍ତ ବେହେରା, ଇଟିଭି ଭାରତ
