ମାଲକାନଗିରି: ମୌସୁମୀ ପ୍ରଭାବରେ ଏବେ ସମଗ୍ର ଓଡିଶା । ମୌସୁମୀ ସକ୍ରିୟ ଥିବାରୁ ରାଜ୍ୟର ବିଭିନ୍ନ ଜିଲ୍ଲାରେ ବର୍ଷା ଲାଗି ରହିଛି । ଗତ 4 ଦିନର ଲଗାଣ ବର୍ଷା ଯୋଗୁଁ ମାଲକାନଗିରି ଜିଲ୍ଲାର ଅବସ୍ଥା ବେହାଲ । ସିଲେରୁ ଏବଂ ସାବେରୀ ନଦୀର ଜଳସ୍ତର ମଧ୍ୟ ବୃଦ୍ଧି ହେବାରେ ଲାଗିଛି । ଏପରିକି ଜିଲ୍ଲାର ବିଭିନ୍ନ ଅଞ୍ଚଳ ବାହ୍ୟ ଜଗତରୁ ବିଚ୍ଛିନ୍ନ ହୋଇଯାଇଛି ।
କାଳିମେଳା ମୁଖ୍ୟ ରାସ୍ତାର କାଙ୍କରାକୋଣ୍ଡା, ପୋଟେରୁ ଓ ଏମଭି 37 ନଦୀ ପୋଲ ଉପରେ 3 ରୁ 4ଫୁଟ ପାଣି ପ୍ରବାହିତ ହେଉଛି । ଫଳରେ ପୋଲର ଉଭୟ ପାର୍ଶ୍ବରେ ଅନେକ ଯାତ୍ରୀ ଗତରାତିରୁ ଫସି ରହିଛନ୍ତି । ଏଥିସହିତ ଯାନବାହାନ ମଧ୍ୟ ଅଟକି ରହିଛି । ତେବେ ଏନେଇ ଆମ ସମ୍ବାଦଦାତା ଘଟଣାସ୍ଥଳରେ ପହଞ୍ଚି ଫସି ରହିଥିବା ଯାତ୍ରୀ, ସ୍ଥାନୀୟ ବାସିନ୍ଦା ଏବଂ ପୋଟେରୁ ଥାନା ଅଧିକାରୀଙ୍କ ସହ ସବିଶେଷ ଆଲୋଚନା କରିଛନ୍ତି । ଶୁଣନ୍ତୁ କଣ କହୁଛନ୍ତି ମାଲକାନଗିରି ଅଞ୍ଚଳବାସୀ ।
ମାଲକାନଗିରିରୁ ଜୟନ୍ତ ତିଆଡି, ଇଟିଭି ଭାରତ
