ମାଲକାନଗିରି: ଭୁପୂଷ୍ଠର ଭଗବାନ ବୋଲାଉଥିବା ଡାକ୍ତରଙ୍କ ଦାଦାଗିରି । ଜୀବନ ବଞ୍ଚାଇବା ବଦଳରେ ସାମାନ୍ୟ ଘଟଣା ପାଇଁ ମାରିଦେବାକୁ ରୋଗୀଙ୍କୁ ଦେଉଛନ୍ତି ଧମକ । କେବଳ ଧମକ ନୁହେଁ ରୋଗୀଙ୍କ ନିକଟ ସମ୍ପର୍କୀୟଙ୍କୁ ଅସ୍ରବ୍ୟ ଭାଷାରେ ଗାଳି କରି ଘରୁ ଗଳା ଧକ୍କା ଦେଇ ବାହାର କରିଦେଲେ ଡାକ୍ତର । ଉପାନ୍ତ ଆଦିବାସୀ ଅଧ୍ୟୁଷିତ ଜିଲ୍ଲା ମାଲକାନଗିରିର ପପୁଲୁ ଚିକିତ୍ସା କେନ୍ଦ୍ରର ଭାରପ୍ରାପ୍ତ ଅଧିକାରୀ ଡାକ୍ତର ଓଁକାର ହୋତାଙ୍କ ନାଁରେ ଆସିଛି ଏଭଳି ସଙ୍ଗୀନ ଅଭିଯୋଗ ।
ଭିଡିଓ ସୌଜନ୍ୟ- ସମ୍ବାଦଦାତା, ମାଲକାନଗିରି
ପପୁଲୁର ଚିକିତ୍ସା କେନ୍ଦ୍ରର ଭାରପ୍ରାପ୍ତ ଅଧିକାରୀ ଡାକ୍ତର ଓଁକାର ହୋତା । ଯିଏ କି ସରକାରୀ ପୁରସ୍କାର ପ୍ରାପ୍ତ ଡାକ୍ତର । ହେଲେ ଏବେ ସେ ନିଜ ଦାୟିତ୍ବକୁ ଠିକ ଭାବେ ପାଳନ ବି କରୁନଥିବା ଅଭିଯୋଗ ହୋଇଛି । ବିଶେଷ କରି ପପୁଲୁ ଭଳି ଅତ୍ୟନ୍ତ ଦୁର୍ଗମ ଅଞ୍ଚଳରେ ଗୋଟିଏ ମାତ୍ର ଡାକ୍ତର ଭାବେ ନିଯୁକ୍ତି ପାଇଥିଲେ ବି ତାଙ୍କର ଏପରି ଦୁର୍ବବ୍ୟହାର ସମସ୍ତଙ୍କୁ ମର୍ମାହତ କରିଛି ।