ମାଲକାନଗିରି: ଜିଲ୍ଲାର କୋରକୋଣ୍ଡା ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ରରେ ଡାକ୍ତରଙ୍କ ସହ ଖବର ସଂଗ୍ରହ କରୁଥିବା କିଛି ଗଣମାଧ୍ୟମ ପ୍ରତିନିଧିଙ୍କ ସହିତ ବଚସା ଘଟଣା । ଡାକ୍ତରଙ୍କ ଅଭିଯୋଗକୁ ଆଧାର କରି ପୋଲିସର ଏକ ଟିମ ୫ ଜଣ ସାମ୍ବାଦିକଙ୍କୁ ଘରୁ ଉଠାଇ ଆଣିଥିବା ଜଣାପଡି଼ଛି । ଏହାର ପ୍ରତିବାଦରେ ଜିଲ୍ଲା ସାମ୍ବାଦିକ ସଂଘ ଥାନା ଘେରାଉ କରିବା ସହିତ ଅନିର୍ଦ୍ଦିଷ୍ଟ କାଳ ପର୍ଯ୍ୟନ୍ତ ଧାରଣା ଦେଇଛି ।
ମାଲକାନଗିରିରେ ଡାକ୍ତର ସାମ୍ବାଦିକ ବଚସା ଘଟଣା, ଜିଲ୍ଲା ସାମ୍ବାଦିକ ସଂଘର ଧାରଣା
ମିଳିଥିବା ସୂଚନା ଅନୁସାରେ ଗୁରୁବାର ରାତି 11ଟା 30 ମିନିଟ ସମୟରେ ଖବର ପ୍ରସାରଣ କରୁଥିବାବେଳେ ଡାକ୍ତରଙ୍କ ସହ ବଚସା ହୋଇଥିଲା । ଶୁକ୍ରବାର ଡାକ୍ତରଙ୍କ ଅଭିଯୋଗ କ୍ରମେ ରାତି 2ଟା ସମୟରେ ପୋଲିସର ଏକ ଟିମ 5 ଜଣ ସାମ୍ବାଦିକକୁ ଘରୁ ଉଠାଇ ଆଣିଥିଲେ । ଗତକାଲି(ଶନିବାର) ଏହି 5 ଜଣ ସାମ୍ବାଦିକଙ୍କୁ କୋର୍ଟ ଚାଲାଣ କରିଯାଇଥିଲା ।