.
ମାଲକାନଗିରି: ଝିଙ୍କ ଧରିବାକୁ ଯାଇ ଗୁମ୍ଫା ଭିତରେ ଶ୍ବାସରୁଦ୍ଧ ହୋଇ ଜଣେ ଯୁବକ ପ୍ରାଣ ହରାଇଛନ୍ତି । ଶନିବାର ତେଲିମେଟା ଗ୍ରାମର ପାଞ୍ଚ ଜଣ ଯୁବକ ଝିଙ୍କ ଧରିବା ପାଇଁ ଜଙ୍ଗଲକୁ ଯାଇଥିଲେ । ଗୁମ୍ଫା ଭିତରେ ଦୁଇ ଯୁବକ ଦିନ 9ଟାରୁ ରାତି 11 ଟା ପର୍ଯ୍ୟନ୍ତ ଧୂଆଁ ଦେଇ ଜଗି ରହିଥିଲେ ।
ମୃତ୍ୟୁ ଆଡକୁ ଝିଙ୍କିନେଲା ଝିଙ୍କ, ଜଣେ ମୃତ
ଝିଙ୍କ ଧରିବାକୁ ଯାଇ ଗୁମ୍ଫା ଭିତରକୁ ଯାଇ ଜଣେ ମୃତ ଓ ଅନ୍ୟଜଣେ ଆହତ । ଗୁରୁତରଙ୍କୁ ମାଲକାନଗିରି ଜିଲ୍ଲା ସଦର ଡାକ୍ତରଖାନାକୁ ପଠାଯାଇଛି ।
ଫଟୋ ସୌଜନ୍ୟ: ସମ୍ବାଦଦାତା, ମାଲକାନଗିରି
ରାତିରେ ସିଙ୍ଗା ମାଝୀ ଓ ରାମଚନ୍ଦ୍ର ମାଢି ନାମକ ଦୁଇ ଯୁବକ ଗୁମ୍ଫା ଭିତରେ ପଶିଥିଲେ । ରାମଚନ୍ଦ୍ର ଧୂଆଁରେ ନିଃଶ୍ୱାସ ନେଇ ନପାରି ସେଠାରେ ପ୍ରାଣ ହରାଇଥିବାବେଳେ ଖବର ପାଇ ଗାଁ ଲୋକ ସିଙ୍ଗାଙ୍କୁ ଗୁରୁତର ଅବସ୍ଥାରେ ଉଦ୍ଧାର କରିଛନ୍ତି ।
ଭିଡିଓ ସୌଜନ୍ୟ: ସମ୍ବାଦଦାତା, ମାଲକାନଗିରି
ମୃତଦେହ ଗାଁକୁ ଅଣାଯାଇଥିବାବେଳେ ଗୁରୁତରଙ୍କୁ ମାଲକାନଗିରି ଜିଲ୍ଲା ସଦର ଡାକ୍ତରଖାନାକୁ ପଠାଯାଇଛି । ଅନ୍ୟପକ୍ଷରେ ଘଟଣା ପରେ ବନ ବିଭାଗର କର୍ମଚାରୀମାନେ ତେଲିମେଟା ଗାଁକୁ ଯାଇ ତଦନ୍ତ ଆରମ୍ଭ କରିଛନ୍ତି । ବନ୍ୟଜନ୍ତୁ ଲାଗି ଏହି ଘଟଣା ଘଟିଥିଲେ ମୃତକ ଓ ଆହତଙ୍କ ପରିବାରକୁ କ୍ଷତିପୂରଣ ଦିଆଯିବ ବୋଲି ଡି.ଏଫ.ଓ ପ୍ରଦୀପ ଦେବିଦାସ କହିଛନ୍ତି ।
ମାଲକାନଗିରିରୁ ଜୟନ୍ତ ତିଆଡି, ଇଟିଭି ଭାରତ
Last Updated : Jul 14, 2019, 1:45 PM IST