ମାଲକାନଗିରି: ପୁଣି ମୃତଦେହକୁ ଅସମ୍ମାନ । 30 କିମି ଭାରରେ ମୃତଦେହକୁ ବୋହି ବୋହି ନିଜ ଗ୍ରାମକୁ ନେଲେ ସମ୍ପର୍କୀୟ । ଏଭଳି କିଛି ଅଭାବନୀୟ ଘଟଣା ଦେଖିବାକୁ ମିଳିଛି ମାଲକାନଗିରି ଜିଲ୍ଲା ମାଥିଲି ବ୍ଲକ ଟେମୁରୁପାଲ୍ଲୀ ଗ୍ରାମରେ ।
ପୁଣି ମୃତଦେହକୁ ଅସମ୍ମାନ; 30 କିମି ଭାରରେ ବୋହି ନିଜ ଗ୍ରାମକୁ ନେଲେ ସମ୍ପର୍କୀୟ
ମାଲକାନଗିରି ଜିଲ୍ଲାରେ ଅନେକ ଗାଁର ରାସ୍ତା ଭଲ ନଥିବାରୁ ଗ୍ରାମକୁ ଆମ୍ବୁଲାନ୍ସ ଯାଇ ନ ପାରି ରୋଗୀଙ୍କୁ ଖଟିଆ କିମ୍ବା ଭାରରେ ବୁହା ହେଉଥିବା ଘଟଣା ନିତିଦିନ ଲୋକଲୋଚନକୁ ଆସୁଛି । ତେବେ ଆଜି ଏଭଳି ଏକ ଘଟଣା ସାମ୍ନାକୁ ଆସିଛି ଯାହା ସମସ୍ତଙ୍କୁ ଆଶ୍ଚର୍ଯ୍ୟ କରିଦେବ । ମୃତଦେହ ଭାରରେ ବୋହି ଆଣିବା କଥା ଜଣାପଡିବା ପରେ ଏହା ପଛରେ ଆଉ ଏକ ଅନ୍ଧ ବିଶ୍ବାସ ସାମ୍ନାକୁ ଆସିଛି ।
ମୁଡେ କାଲମାରି ନାମକ ଜଣେ ମହିଳାଙ୍କୁ ଜ୍ବର ହେବା ସହ ହାତ ଗୋଡ ବିନ୍ଧା ହୋଇଥିଲା । ଯାହାର ଚିକିତ୍ସା ପାଇଁ ପରିବାର ଲୋକେ ତାଙ୍କୁ ଗୁରୁଗୁଡା ଗ୍ରାମର ଜଣେ ଗୁଣିଆଙ୍କ ପାଖକୁ ନେଇଥିଲେ । ଯେଉଁଠି 2 ଦିନ ଚିକିତ୍ସା କରାଇବା ପରେ ବୁଧବାର ରାତିରେ ରୋଗୀଙ୍କ ମୃତ୍ୟୁ ଘଟିଥିଲା ।