ମାଲକାନଗିରି: ଜିଲ୍ଲାପାଳଙ୍କ ପିଏ ଆତ୍ମହତ୍ୟା ଘଟଣାରେ ଜିଲ୍ଲାପାଳଙ୍କ ଗିରଫ ଦାବି କରି କଂଗ୍ରେସ ମାଲକାନଗିରି ବନ୍ଦ ଡାକରା ଦେଇଛି । ପୂର୍ବତନ ସାଂସଦ ପ୍ରଦୀପ ମାଝୀଙ୍କ ନେତୃତ୍ବରେ ଏହି ବନ୍ଦ ଡ଼ାକରା ଦିଆଯାଇଛି । ସକାଳୁ କଂଗ୍ରେସ କର୍ମୀ ମାନେ ସହର ପରିକ୍ରମା କରିବା ସହ ଜିଲ୍ଲାପାଳଙ୍କ କାର୍ଯ୍ୟାଳୟ ସମ୍ମୁଖରେ ଧାରଣା ଦେଇଛନ୍ତି ।
ଆଜି ମାଲକାନଗିରି ବନ୍ଦ, ସ୍କୁଲ-କଲେଜରେ ବନ୍ଦ ପ୍ରଭାବ
ସମଗ୍ର ଜିଲ୍ଲାରେ ଯାନବାହନ ସହ ଦୋକାନ ବଜାର, ସ୍କୁଲ, କଲେଜ ଓ ସମସ୍ତ କାର୍ଯ୍ୟାଳୟ ବନ୍ଦ କରାଯାଇଛି । ଦୁର୍ନୀତି ଓ ତାଙ୍କ ପିଏ ଆତ୍ମହତ୍ୟା ମାମଲାରେ ଜିଲ୍ଲାପାଳଙ୍କୁ ଗିରଫ କରିବାକୁ ଏଥିରେ ଦାବି କରାଯାଇଛି । ସେହିପରି କଂଗ୍ରେସର ବନ୍ଦ ପାଳନକୁ ନେଇ ପ୍ରଶାସନ ପକ୍ଷରୁ ସମସ୍ତ ବିଦ୍ୟାଳୟ ଓ ମହାବିଦ୍ୟାଳୟ ବନ୍ଦ ରଖାଯାଇଥିବା ବେଳେ ବ୍ୟାପକ ସୁରକ୍ଷା ବ୍ୟବସ୍ଥା ଗ୍ରହଣ କରାଯାଇଛି ।