ମାଲକାନଗିରି: ଅଜଣା ଗାଡି ଧକ୍କାରେ ଯୁବକ ମୃତ । ମାଲକାନଗିରି ଜିଲ୍ଲା ପାଣ୍ଡ୍ରିପାଣି ନିକଟରେ ଘଟିଛି ଏହି ଦୁର୍ଘଟଣା।
ଅଜଣା ଗାଡି ଧକ୍କାରେ ଯୁବକ ମୃତ
ଘଟଣାରୁ ପ୍ରକାଶ ଯେ ମଙ୍ଗଳବାର ସନ୍ଧ୍ୟା 6ଟାରେ OD 30 C 8171 ନାମକ ଏକ କାର ଜୟପୁରରୁ ମାଲକାନଗିରି ଅଭିମୁଖେ ଆସୁଥିଲା। ଏହି ସମୟରେ ପାଣ୍ଡ୍ରିପାଣି ନିକଟରେ ଜଣେ ସାଇକେଲ ଆରୋହୀ ନିଜ ଚାଷ ଜମିରୁ କାମ ସାରି ଫେରୁଥିବା ବେଳେ କାର ତାଙ୍କୁ ପଛପଟୁ ଧକ୍କା ଦେଇଥିଲା । ତେବେ ଘଟଣାସ୍ଥଳରେ ସାଇକେଲ ଆରୋହୀଙ୍କ ମୃତ୍ୟୁ ଘଟିଥିଲା । ଖବର ପାଇ ଘଟଣାସ୍ଥଳରେ ମାଲକାନଗିରି ଥାନା ଅଧିକାରୀ ରାମ ପ୍ରସାଦ ନାଗ ପହଞ୍ଚିଥିବା ସୂଚନା ମିଳିଥିବା ବେଳେ ଉକ୍ତ ଗାଡି ଡ୍ରାଇଭରକୁ ଅଟକ ରଖାଯାଇଛି ।