ମାଲକାନଗିରି: ଦେଶ ସୁରକ୍ଷାରେ ସାମିଲ ହେବାକୁ ଛାତ୍ରଛାତ୍ରୀମାନଙ୍କ ପାଇଁ ପ୍ରଶିକ୍ଷଣ । ଅସ୍ତ୍ରଶସ୍ତ୍ର ବିଷୟରେ ଜ୍ଞାନ କୌଶଳ ପ୍ରଦାନ କରୁଛନ୍ତି BSF ଯବାନ । ଗ୍ରାମବାସୀ ଓ ଛାତ୍ରଛାତ୍ରୀମାନଙ୍କ ନିକଟତର ହବାକୁ ବିଏସଏଫର ଆଉ ଏକ ପ୍ରୟାସ । ଛାତ୍ରଛାତ୍ରୀ ଓ ଗ୍ରାମବାସୀ ମାନଙ୍କୁ ବିଏସଏଫ ବ୍ୟବହାର କରୁଥିବା ବିଭିନ୍ନ ପ୍ରକାର ଅସ୍ତ୍ରଶସ୍ତ୍ର ବିଷୟରେ ଜ୍ଞାନ କୌଶଳ ପ୍ରଦାନ କରୁଛନ୍ତି ଦକ୍ଷ BSF ଯବାନ ।
ଦିନ ଥିଲା ମାଓ ଅଧ୍ୟୁଷିତ ମାଲକାନଗିରି ଜିଲ୍ଲାରେ ମାଓବାଦୀଙ୍କ ଉପଦ୍ରବ ଏତେ ପରିମାଣରେ ବଢିଯାଇଥିଲା ଯେ ଗ୍ରାମବାସୀ ଏବଂ ଛୋଟଛୋଟ ପିଲାମାନଙ୍କୁ ପାଠପଢା ବନ୍ଦ କରିବାକୁ ପଡୁଥିଲା । କଳମ ଧରିବା ବଦଳରେ ବନ୍ଧୁକ ଧରୁଥିଲେ ଛାତ୍ରଛାତ୍ରୀ । ଏହି ଅଞ୍ଚଳର ସୁରକ୍ଷାବାହିନୀଙ୍କୁ ଟାର୍ଗେଟ କରି ମାରିବାକୁ ପ୍ରବର୍ତ୍ତା ଯାଉଥିଲେ। କିନ୍ତୁ କିଛିବର୍ଷ ମଧ୍ୟରେ ସ୍ଥିତିର ସୁଧାର ଆସିଛି । ବଦଳିଛି ମାଲକାନଗିରି ଜିଲ୍ଲାର ସ୍ଥିତି, ବଦଳିଛନ୍ତି ଏହି ଅଞ୍ଚଳର ନୀରିହ ଆଦିବାସୀମାନେ। ସରକାରଙ୍କ ବିକାଶମୂଳକ କାର୍ଯ୍ୟକ୍ରମ ଉପରେ ଭରସା କରିଛନ୍ତି। ଏଥିପାଇଁ ଗ୍ରାମବାସୀ ଓ ସ୍କୁଲ୍ ଛାତ୍ରଛାତ୍ରୀଙ୍କ ନିକଟତର ହେବାରେ ଲାଗିଛନ୍ତି ଜିଲ୍ଲା ପ୍ରଶାସନ, ପୋଲିସ ପ୍ରଶାସନ ଓ ଏଠାର ସୁରକ୍ଷା ଦାୟିତ୍ବରେ ଥିବା BSF ଯବାନମାନେ ।