ଚିତ୍ରକୋଣ୍ଡା ସ୍ୱାଭିମାନ ଅଞ୍ଚଳରେ ବିଏସଫ ଡିଜି: ଅଞ୍ଚଳବାସୀଙ୍କୁ ବସ୍ତ୍ର ବାଣ୍ଟିଲେ, ଯବାନଙ୍କ ମନୋବଳ ବଢାଇଲେ

ମାଲକାଲଗିରିରେ ବିଏସଏଫ ଡିଜି ପହଞ୍ଚି ମାଓ ଦମନ ନେଇ କଲେ ଆଲୋଚନା । ବଢାଇଲେ ଯବାନଙ୍କ ମନୋବଳ । ଅଧିକ ପଢନ୍ତୁ...

ମାଲକାନଗିରି: ଚିତ୍ରକୋଣ୍ଡା ସ୍ୱାଭିମାନ ଅଞ୍ଚଳରେ ମାଓ ଦମନ କ୍ଷେତ୍ରରେ ବିଏସଫ ପୋଲିସକୁ ମିଳୁଛି ଗୋଟିଏ ପରେ ଗୋଟିଏ ସଫଳତା । ବିଏସଫ ଓ ପୋଲିସର ମିଳିତ ସହଯୋଗରେ ଗୋଟିଏ ପରେ ଗୋଟିଏ ମାଓ ଅଞ୍ଚଳ ଦଖଲ ହେବା ସହ ବଢି ଚାଲିଛି ବିଏସଫ କ୍ୟାମ୍ପ । ସ୍ୱାଭିମାନ ଅଞ୍ଚଳରେ ଚାଲିଥିବା ମାଓ ଦମନରେ ଏକ ପ୍ରମୁଖ ଭୂମିକା ଗ୍ରହଣ କରିଛି ବିଏସଫ ।

ଆଜି(ବୁଧବାର) ବିଏସଫ ଡିଜି ରାକେଶ ଅସ୍ଥାନା, ଏକ ସ୍ୱତନ୍ତ୍ର ବିମାନ ଯୋଗେ ସ୍ୱାଭିମାନ ଅଞ୍ଚଳର ଗୋରାସେତୁ ଠାରେ ପହଞ୍ଚିଥିଲେ । ସେଠାରେ ସେ କିଛି ଗ୍ରାମବାସୀଙ୍କ ସହ ମିଶିବା ସହ ଗ୍ରାମବାସୀଙ୍କୁ କମ୍ବଳ, ଲୁଗା, ବଣ୍ଟନ କରିଛନ୍ତି । କୌଣସି ବିଏସଫ ଡିଜିଙ୍କର ସ୍ୱଭିମାନ ଅଞ୍ଚଳକୁ ଏହା ପ୍ରଥମ ଗ୍ରସ୍ତ । ଏହି ଗ୍ରସ୍ତ ସମୟରେ ଓଡିଶା ପୋଲିସ ଆଇଜି ଅମିତାଭ ଠାକୁର, ବିଏସଫ ଆଇଜି ତଥା ମାଲକାନଗିରି ଏସପି ହୃଷୀକେଶ ଖିଲାରୀ ଉପସ୍ଥିତ ଥିଲେ । ବିଏସଏଫ ଡିଜି ମାଲକାନଗିରିରେ ପହଞ୍ଚି ଏମଭି-୩ ସ୍ଥିତ ବିଏସଏଫ କ୍ୟାମ୍ପରେ ମାଓ ଦମନ ନେଇ ଆଲୋଚନା କରିଥିଲେ । ଜିଲ୍ଲାର ଦୁର୍ଗମରୁ ଅତି ଦୁର୍ଗମ ଅଞ୍ଚଳରେ ବିଏସେଏଫ କ୍ୟାମ୍ପ ରହିଥିବାରୁ ନକ୍ସଲ ଜିଲ୍ଲାରେ କୌଣସି କ୍ଷତି ଘଟାଇବାକୁ ସାହସ କରିପାରୁନଥିବା ସେ କହିଛନ୍ତି । ଡିଜିଙ୍କ ଗସ୍ତ ଯବାନଙ୍କ ମନୋବଳକୁ ବଢ଼ାଇବ ବୋଲି କୁହାଯାଉଛି ।

ମାଲକାନଗିରିରୁ ଦେବଦତ୍ତ ବେହେରା, ଇଟିଭି ଭାରତ