ସ୍ବାଭିମାନ ଅଞ୍ଚଳ ଗସ୍ତ କଲେ BSF ADG

ସ୍ବାଭିମାନ ଅଞ୍ଚଳ ଗସ୍ତ କଲେ BSF ADG ରାଜୱିନ୍ଦର ସିଂ ଭଟ୍ଟୀ । ମାଓଗଡରେ ମାଓ ଗତିବିଧି ସମୀକ୍ଷା କଲେ ADG । ଅଧିକ ପଢନ୍ତୁ

ମାଲକାନଗିରି: BSF ADG (ସ୍ପେଶାଲ୍ ଅପରେସନ୍ସ) ରାଜୱିନ୍ଦର ସିଂ ଭଟ୍ଟୀ ବୁଧବାର ମାଲକାନଗିରି ଜିଲ୍ଲାର ସ୍ବାଭିମାନ ଅଞ୍ଚଳ ପରିଦର୍ଶନ କରିଛନ୍ତି । ସେଠାରେ ସେ ମାଓ ଗତିବିଧି ସମୀକ୍ଷା କରିଛନ୍ତି । ରାଜୱିନ୍ଦର ସିଂଙ୍କ ସହ BSF IG ସତୀଶ ଚନ୍ଦ୍ର ବୁଡାକୋଟି ମଧ୍ୟ ମାଲକାନଗିରିର ଏହି ମାଓ ଅଞ୍ଚଳ ଗସ୍ତ କରିଥିଲେ ।

ସ୍ବାଭିମାନ ଅଞ୍ଚଳ ଗସ୍ତ କଲେ BSF ADG

BSF ADG ପ୍ରଥମେ କୋରାପୁଟ ହେଡକ୍ବାର୍ଟର ପରିଦର୍ଶନ କଲାପରେ ହେଲିକପ୍ଟର ଯୋଗେ ମାଲକାନଗିରି ଜିଲ୍ଲା ସ୍ବାଭିମାନ ଅଞ୍ଚଳର ଯନ୍ତ୍ରି ଠାରେ ନୂତନ ଭାବେ କରାଯାଇଥିବା BSF କ୍ୟାମ୍ପ ଠାରେ ପହଞ୍ଚିଥିଲେ । ସେଠାରେ ତାଙ୍କୁ BSF ଓ ସ୍ଥାନୀୟ ଜନସାଧାରଣ ସ୍ବାଗତ କରିଥିଲେ । ଲାଲଗଡକୁ BSF କବଜାକୁ ନେଇଥିବାରୁ ADG ସେଠାକାର ଜନସାଧାରଣ ଓ BSF ଅଧିକାରୀଙ୍କୁ ଅଭିନନ୍ଦନ ଜଣାଇଥିଲେ । ସ୍ବାଭିମାନ ଅଞ୍ଚଳର ଲୋକମାନଙ୍କ ସଦାସର୍ବଦା ସହାୟତା ପାଇଁ BSF ପ୍ରସ୍ତୁତ ଥିବା ରାଜୱିନ୍ଦର ସିଂ ଭଟ୍ଟୀ ଲୋକମାନଙ୍କୁ କହିଥିଲେ । ପରେ ସେ ସେଠାରୁ ହେଲିକପ୍ଟର ଯୋଗେ ଭୁବନେଶ୍ବର ଯାଇଥିବା ଜଣାପଡିଛି ।

ମାଲକାନଗିରିରୁ ପଞ୍ଚାନନ ଦାଶ, ଇଟିଭି ଭାରତ