ଲାଉତୁମ୍ଭା ବାନ୍ଧି ଆଶାକର୍ମୀ ନଦୀପାର ହେବା ଘଟଣା: ପ୍ରଶାସନ ତରଫରୁ ଗାଁକୁ ଦିଆଗଲା ବୋଟ

ମାଲକାନଗିରି ଜିଲ୍ଲାର ଚିତ୍ରକୋଣ୍ଡା ବ୍ଲକ ଅନ୍ତର୍ଗତ ନେରୁଡିପାଲି ନଦୀରେ ଦୁଇ ଆଶାକର୍ମୀ ଅଣ୍ଟାରେ ଲାଉ ତୁମ୍ଭା ବାନ୍ଧି ନଦୀପାର ହେବା ଘଟଣା ଚର୍ଚ୍ଚା ହେବାପରେ ପ୍ରଶାସନ ଗାଁକୁ ଯୋଗାଇଛି ଏକ ବୋଟ । ଅଧିକ ପଢନ୍ତୁ...

ମାଲକାନଗିରି: ଜିଲ୍ଲାର ଚିତ୍ରକୋଣ୍ଡା ବ୍ଲକ ଅନ୍ତର୍ଗତ ନେରୁଡିପାଲି ନଦୀରେ ଦୁଇ ଆଶାକର୍ମୀ ଅଣ୍ଟାରେ ଲାଉ ତୁମ୍ଭା ବାନ୍ଧି ନଦୀପାର ହେବା ଘଟଣା ଚର୍ଚ୍ଚା ହେବାପରେ ପ୍ରଶାସନ ଗାଁକୁ ଦେଇଛି ଏକ ବୋଟ । ଜିଲ୍ଲା ପ୍ରଶାସନ ଓ ଚିତ୍ରକୋଣ୍ଡା ବ୍ଲକ ପ୍ରଶାସନ ତରଫରୁ ନେରୁଡିପାଲି ନାଳରେ ଯାତାୟାତ ପାଇଁ ଏକ ବୋଟ ଯୋଗାଇ ଦିଆଯାଇଛି ।

ମାଲକାନଗିରି ଜିଲ୍ଲାର ସବୁଠାରୁ ଦୁର୍ଗମ ତଥା ଅପହଞ୍ଚ ଅଞ୍ଚଳ ମଧ୍ୟରେ ଚିତ୍ରକୋଣ୍ଡା ବ୍ଲକ ରାଲେଗୋଡ ପଞ୍ଚାୟତର ଲୁଆପାଲି ଓ ନେରୁଡିପାଲି ଅଞ୍ଚଳ ଅନ୍ୟତମ । ସୂଚନା ଅନୁଯାୟୀ ଏହି ପଞ୍ଚାୟତର ନେରୁଡିପାଲି ନଦୀର ପ୍ରଖର ସ୍ରୋତରେ ଲାଉତୁମ୍ଭା ସାହାଯ୍ୟରେ ଦୁଇ ଆଶାକର୍ମୀ ନଦୀ ପାର କରି ଅଙ୍ଗଡବାଡି ସେଣ୍ଟରରେ ପହଞ୍ଚିଥିଲେ । ଜୀବନକୁ ବାଜି ଲଗାଇ ଦୁଇ ଆଶାକର୍ମୀଙ୍କ କାମ ପ୍ରତି ସମର୍ପଣ ଭାବ ସବୁଠି ଚର୍ଚ୍ଚା ହୋଇଥିଲା । ଏମିତିକି ଘଟଣାକୁ ଶିଳ୍ପପତି ଆନନ୍ଦ ମହିନ୍ଦ୍ରା ଜାଣି ଏକ ବୋଟ ଯୋଗାଇଦେବାକୁ ଟ୍ବିଟ କରି କହିଥିଲେ । ତେବେ ବର୍ତ୍ତମାନ ପ୍ରଶାସନ ଅଞ୍ଚଳବାସୀଙ୍କୁ ଏକ ବୋଟ୍ ଯୋଗାଇ ଦେଇଛି ।

ମାଲକାନଗିରିରୁ ଦେବଦତ୍ତ ବେହେରା, ଇଟିଭି ଭାରତ