ସର୍ଭେ ବେଳେ ନଦୀରେ ବୁଡିଲେ କର୍ମଚାରୀ

ମାଲକାନଗିରି ପାଙ୍ଗାମ ପୋଲରେ ଅଘଟଣ । ସର୍ଭେକୁ ଆସି ନଦୀରେ ବୁଡିଲେ କର୍ମଚାରୀ । ଘଟଣାସ୍ଥଳରେ ଉଦ୍ଧାର କାର୍ଯ୍ୟ ଜାରି ।

ମାଲକାନଗିରି: ମାଲକାନଗିରି ଓ ଜୟପୁରକୁ ସଂଯୋଗ କରୁଥିବା ପାଙ୍ଗାମ ପୋଲ ସର୍ଭେବେଳେ ନଦୀରେ ବୁଡିଲେ କର୍ମଚାରୀ । ସ୍ଥାନୀୟ ବାସିନ୍ଦାଙ୍କ ଦ୍ବାରା ଉଦ୍ଧାର କାର୍ଯ୍ୟ ଜାରି ରହିଥିବାବେଳେ ଏବେ ବି କୌଣସି ପତ୍ତା ମିଳିପାରିନାହିଁ ।

ସେପଟେ, ଖବର ପାଇ ମାଥିଲି ପୋଲିସ ଓ ଅଗ୍ନିଶମ କର୍ମଚାରୀମାନେ ଘଟଣାସ୍ଥଳରେ ପହଞ୍ଚିଛନ୍ତି । ସୂଚନାଯୋଗ୍ୟ, ଏନଏଚ ସର୍ଭେରେ 3 ଜଣ କର୍ମଚାରୀ କାର୍ଯ୍ୟରତ ଥିବାବେଳେ ଜଣେ କର୍ମଚାରୀ ନଦୀରେ ବୁଡି ଯାଇଥିଲେ ।

ମାଲକାନଗିରିରୁ ଜୟନ୍ତ ତିଆଡି଼, ଇଟିଭି ଭାରତ