ମାଲକାନଗିରି: ଜିଲ୍ଲା କାଲିମେଳା ବ୍ଲକ ଅନ୍ତର୍ଗତ ଏମଭି ୭୫ ଗାଁରେ ଏବେ ଅଜଣା ରୋଗର ଆତଙ୍କ । ଗତକାଲି ଏହି ଅଜଣା ରୋଗରେ ଜଣେ ନାବାଳକ ପ୍ରାଣ ହରାଇବା ପରେ ଗାଁରେ ଭୟର ବାତାବରଣ ଖେଳିଯାଇଛି । ଖବର ପାଇ ଡାକ୍ତରୀ ଦଳ ଗାଁରେ ପହଞ୍ଚିଛନ୍ତି ହେଲେ ଲୋକଙ୍କୁ ରୋଗ ନୁହେଁ ବରଂ ଅନ୍ୟ କୌଣସି କାରଣରୁ ଦେହ ଖରାପ ହେଉଥିବା ସନ୍ଦେହ କରି ଗାଁ ଲୋକେ ଔଷଧ ଖାଇବା ପରିବର୍ତ୍ତେ ଗାଁ ଠାକୁରାଣୀଙ୍କ ପାଖରେ ପୂଜା କରୁଛନ୍ତି ।
ଭିଡିଓ ସୌଜନ୍ୟ- ସମ୍ବାଦଦାତା, ମାଲକାନଗିରି
ବିଜ୍ଞାନ ଯୁଗରେ ଏବେବି ଜୀବିତ ରହିଛି ଅନ୍ଧବିଶ୍ବାସ । ଏକଥା ଆମେ ନୁହେଁ ଏ ଚିତ୍ର କହୁଛି। ଘର ଭିତରେ ରୋଗୀ ବାହାର ବାରଣ୍ଡାରେ ରୋଗୀ । ହେଲେ କି ରୋଗ ତାହା କେହି ଜାଣିନାହାଁନ୍ତି । ରବିବାର ଏହି ଅଜଣା ରୋଗରେ ଗାଁର ଜଣେ ନାବାଳକ ପ୍ରାଣ ହରାଇବା ପରେ ଗାଁରେ ଖେଳିଯାଇଛି କୋକୁଆଭୟ । ଗତ କିଛିଦିନ ହେଲା ଲୋକେ ରାତିରେ ଖାଇବା ପରେ ବିଛଣାରେ ଶୋଉଛନ୍ତି ହେଲେ ସକାଳେ ଆଉ ବିଛଣାରୁ ଉଠିପାରୁନାହାଁନ୍ତି । ପ୍ରଥମେ ମୁଣ୍ଡବ୍ୟଥା ହେବା ପରେ ଲୋକେ ମୂର୍ଚ୍ଛା ହୋଇ ତଳେ ପଡି ଯାଉଛନ୍ତି।