ମାଲକାନଗିରି: ନିଶାରେ ମଦ୍ୟମ ସ୍ବାମୀର ନୃଶଂସ କାଣ୍ଡ । ନିଜ ଝିଅ ସମ୍ମୁଖରେ ସ୍ତ୍ରୀକୁ ଟାଙ୍ଗିଆରେ ଅତି ନୃଶଂସ ଭାବରେ ହତ୍ୟା କରିଛି ମଦ୍ୟପ ସ୍ବାମୀ । ଏପରି ଏକ ଅଭାବନୀୟ ଘଟଣା ଘଟିଛି ମାଲକାନଗିରି କାଲିମେଳା ବ୍ଲକ ଅନ୍ତର୍ଗତ ଏମଭି-୭୨ ଗ୍ରାମରେ ।
ମିଳିଥିବା ସୂଚନା ଅନୁସାରେ, କାଲିମେଳା ବ୍ଲକ ଅନ୍ତର୍ଗତ ନାଳଗୁଣ୍ଠି ପଞ୍ଚାୟତରେ ଏମଭି-୭୨ ଗ୍ରାମରେ ରହୁଥିବା ବିମଲ ମିସ୍ତ୍ରୀ ନାମକ ଜଣେ ଯୁବକ ଗତକାଲି(ରବିବାର) ରାତିରେ ପ୍ରଚୁର ମଦ୍ୟପାନ କରି ନିଜ ସ୍ତ୍ରୀ ସହିତ ଝଗଡା କରିଥିଲେ ।
ଏହାପରେ ସ୍ତ୍ରୀ ଓ ୭ ବର୍ଷର ଝିଅ ଶୋଇ ପଡ଼ିଥିବାବେଳେ ବିଳମ୍ବିତ ରାତିରେ ବିମଲ ନିଜ ସ୍ତ୍ରୀ ଦୁଲାଳୀକୁ ଏକ ଟାଙ୍ଗିଆରେ ବେକକୁ ହାଣି ନିର୍ମମ ଭାବରେ ହତ୍ୟା କରିଛି । ଟାଙ୍ଗିଆ ଚୋଟରେ ଦୁଲାଳୀର ବେକ ଓ କାନରେ ଗଭୀର ଆଘାତ ଲାଗିଥିବାବେଳେ ଘଟଣାସ୍ଥଳରେ ହିଁ ସ୍ତ୍ରୀର ମୃତ୍ୟୁ ଘଟିଥିଲା । ସ୍ତ୍ରୀକୁ ହତ୍ୟା କରି କରିବା ପରେ ବିମଲ ସେଠାରେ ସକାଳ ପର୍ଯ୍ୟନ୍ତ ଜଗି ରହିଥିଲା । ଏହିସବୁ ଘଟଣା ନିଜ 7ବର୍ଷର ଝିଅ ଦେଖିବା ପରେ ସକାଳେ ସାଇପଡିଶାକୁ ପାଟିକରି ଡାକିବାରୁ ଘଟଣାସ୍ଥଳରେ ଲୋକମାନେ ରୁଣ୍ଡ ହୋଇ ଏମଭି-୭୯ ପୋଲିସକୁ ଖବର ଦେଇଥିଲେ।
ପୋଲିସ ଘଟଣାସ୍ଥଳରେ ପହଞ୍ଚି ଅଭିଯୁକ୍ତ ସ୍ବାମୀ ବିମଳକୁ ଗିରଫ କରି ଥାନାକୁ ନେଇଛି । ପୋଲିସ ମୃତଦେହକୁ ଜବତ କରିବା ସହ ଅଧିକ ତଦନ୍ତ ଜାରି ରଖିଛି।
ମାଲକାନଗିରିରୁ ଦେବଦତ୍ତ ବେହେରା, ଇଟିଭି ଭାରତ