ଓଡିଶା

odisha

ETV Bharat / state

ବିରଳ ଅସ୍ତ୍ରୋପଚାର: ମହିଳାଙ୍କ ପେଟରୁ ବାହାରିଲା 9 କେଜି ଟ୍ୟୁମର - ବିରଳ ଅସ୍ତ୍ରୋପଚାର ପରେ ମହିଳାଙ୍କ ପେଟରୁ ବାହାରିଲା 9 କେଜି ଟ୍ୟୁମର

ବିରଳ ଅସ୍ତ୍ରୋପଚାର ପରେ ମହିଳାଙ୍କ ପେଟରୁ ବାହାରିଲା 9 କେଜି ଟ୍ୟୁମର । ମାଲକାନଗିରି ଜିଲ୍ଲା ମୁଖ୍ୟ ଚିକିତ୍ସାଳୟରେ ହୋଇଛି ଏହି ଅପରେସନ । ଅପରେସନ ପରେ ମହିଳା ସୁସ୍ଥ ଥିବା ସୂଚନା ।

9 kg tumor removed from woman's stomach after operation
ବିରଳ ଅସ୍ତ୍ରୋପଚାର ପରେ ମହିଳାଙ୍କ ପେଟରୁ ବାହାରିଲା 9 କେଜି ଟ୍ୟୁମର

By

Published : Dec 23, 2019, 7:42 PM IST

ମାଲକାନଗିରି: ବିରଳ ଅସ୍ତ୍ରୋପଚାର ପରେ ଆଦିବାସୀ ମହିଳାଙ୍କ ପେଟରୁ ବାହାରିଲା 9 କେଜିର ଟ୍ୟୁମର । ଏଭଳି ବିରଳ ଅପରେସନ ହୋଇଛି ଉପାନ୍ତ ଆଦିବାସୀ ଇଲାକା ମାଲକାନଗିରି ଜିଲ୍ଲା ମୁଖ୍ୟ ଚିକିତ୍ସାଳୟରେ ।

ବିରଳ ଅସ୍ତ୍ରୋପଚାର ପରେ ମହିଳାଙ୍କ ପେଟରୁ ବାହାରିଲା 9 କେଜି ଟ୍ୟୁମର

ସୂଚନାନୁସାରେ, ମାଲକାନଗିରି ସଦର ବ୍ଲକ ଚାଲାଣଗୁଡା ଗ୍ରାମର ଜଣେ ଗରିବ ଆଦିବାସୀ ମହିଳା ଗର୍ଭାଶୟରେ ଗଭୀର ଯନ୍ତ୍ରଣା ଅନୁଭବ କରିଥିଲେ । ଏହା ପରେ ପରିବାର ଲୋକ ମହିଳାଙ୍କୁ ମାଲକାନଗିରି ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରିଥିଲେ ।

ରବିବାର ସର୍ଜରୀ ସ୍ପେଶାଲିଷ୍ଟ ଡାକ୍ତର ସପନ କୁମାର ଦିଣ୍ଡା ତାଙ୍କର ଚିକିତ୍ସା ଆରମ୍ଭ କରିଥିଲେ । ଚିକିତ୍ସା ବେଳେ ତାଙ୍କ ଗର୍ଭାଶୟରେ ଓଭାରିଆନ ଟ୍ୟୁମର ହୋଇଥିବା ଜାଣିବାକୁ ପାଇଥିଲେ । ସୋମବାର ମହିଳାଙ୍କ ଏହି ଟ୍ୟୁମର ଅପରେସନ ପାଇଁ ଏକ ଡାକ୍ତରୀ ଟିମ୍ ଗଠନ କରାଯାଇଥିଲା । ପ୍ରାୟ 2ରୁ 3 ଘଣ୍ଟାର ପରିଶ୍ରମ ପରେ ଡାକ୍ତରୀ ଟିମ୍ ମହିଳାଙ୍କ ପେଟରୁ ଟ୍ୟୁମର କାଢିବାକୁ ସକ୍ଷମ ହୋଇଥିଲା । ତେବେ ଏହି ବିରଳ ଟ୍ୟୁମର ଅପରେସନ ଶେଷ ହେବା ପରେ ମହିଳା ଜଣକ ସୁସ୍ଥ ଥିବା ଜଣାପଡିଛି ।

ମହିଳାଙ୍କ ଏହି ଅପରେସନ ପରେ ରାଜ୍ୟ ସରକାରଙ୍କ 5'ଟି' ଉପାନ୍ତ ଜିଲ୍ଲାର ସ୍ବାସ୍ଥ୍ୟସେବା ଚିତ୍ରକୁ ବଦଳାଇଥିବା ଜଣାପଡୁଛି । ପୂର୍ବରୁ ନିଜ ରୋଗ ଭଲ କରିବାକୁ ଉପାନ୍ତ ଜିଲ୍ଲାର ଆଦିବାସୀ ଗୁଣିଆ, ଦିଶାରିଙ୍କ ସାହାରା ନେଉଥିଲେ । ମାତ୍ର ଅନ୍ଧବିଶ୍ବାସକୁ ଦୂର କରି ଆଦିବାସୀଙ୍କ ଡାକ୍ତରଖାନା ଯିବା 5'ଟି'କୁ ସଫଳତା ଆଣିଦେଇଛି ।

ମାଲକାନଗିରିରୁ ଜୟନ୍ତ ତିଆଡି, ଇଟିଭି ଭାରତ

For All Latest Updates

ABOUT THE AUTHOR

...view details