ମାଲକାନଗିରି: ମାଥିଲି ଥାନା ପରିସରରେ ଥିବା ଶହୀଦ ସ୍ମୃତି ସ୍ତମ୍ଭ ନିକଟରେ ୮୦ତମ ମାଥିଲି ଗୁଳିକାଣ୍ଡ ଦିବସ ପାଳିତ ହୋଇଛି । ଏହି ଅବସରରେ ମାଥିଲି ପୂରୁଣା ଶହୀଦ ଭବନଠାରୁ ଏକ ମଶାଲ ଶୋଭାଯାତ୍ରା ଆୟୋଜନ କରାଯାଇଥିଲା । ଏହି କାର୍ଯ୍ୟକ୍ରମରେ ମାଣ୍ୟଗନ୍ୟ ବ୍ୟକ୍ତି ଯୋଗ ଦେଇ ଶହୀଦ ସ୍ତମ୍ଭରେ ପୁଷ୍ପ ମାଲ୍ୟାର୍ପଣ କରିବା ସହ ସ୍ମୁତିଚାରଣ କରିଥିଲେ ।
ମାଲକାନଗିରିରେ ମାଥିଲି ଗୁଳିକାଣ୍ଡ ଦିବସ ପାଳିତ
ଶୋଭାଯାତ୍ରାରେ ସାଂସଦ ରମେଶ ମାଝୀ, ବିଧାୟକ ପୂର୍ଣ୍ଣଚନ୍ଦ୍ର ବାକା, ମାନସ ମାଡକାମୀ, ଅଧ୍ୟକ୍ଷ ମହେଶ ବାକା, ପୂର୍ବତନ ମନ୍ତ୍ରୀ ପଦ୍ମିନୀ ଦିଆନ ପ୍ରମୁଖଙ୍କ ସହ ବିଭିନ୍ନ ଦଳୀୟ କର୍ମୀ ଏବଂ ଛାତ୍ରଛାତ୍ରୀ ମଶାଲ ଶୋଭାଯାତ୍ରାରେ ଭାଗନେଇଥିଲେ । ଶୋଭାଯାତ୍ରା ମାଥିଲି ଥାନା ପରିସରରେ ପହଞ୍ଚିବା ପରେ ସେଠାରେ ଥିବା ଶହୀଦ ସ୍ତମ୍ଭ ନିକଟରେ ପୋଲିସ ପକ୍ଷରୁ ସଲାମୀ ଦିଆଯାଇଥିଲା । ପରେ ସ୍ଥାନୀୟ ଲକ୍ଷ୍ମଣ ନାୟକ ଭବନରେ ଏକ ସାଧାରଣ ସଭା ଆୟୋଜନ କରିବା ସହ ଶହୀଦଙ୍କ ଦାୟାଦମାନଙ୍କୁ ସମ୍ମାନିତ କରାଯାଇଥିଲା ।