ମାଲକାନଗିରି: ଜିଲ୍ଲାରେ ଗୁଣି ଗାରେଡି ସନ୍ଦେହରେ ଜଣେ ଯୁବକଙ୍କୁ ହତ୍ୟା ଅଭିଯୋଗରେ 6 ଜଣଙ୍କୁ ଗିରଫ କରି ପୋଲିସ କୋର୍ଟ ଚାଲାଣ କରିଥିବା ଜଣାପଡିଛି ।
ଗୁଣିଗାରେଡି ସନ୍ଦେହରେ ଯୁବକଙ୍କୁ ହତ୍ୟା ଘଟଣା: 6 ଗିରଫ
ସୂଚନାନୁଯାୟୀ, ମାଲକାନଗିରି ଅନ୍ତର୍ଗତ କେନ୍ଦୁଗୁଡାରେ ଗତ 3 ମାସ ମଧ୍ୟରେ 17 ଜଣ ଗ୍ରାମବାସୀଙ୍କର ଆଜମା ରୋଗରେ ମୃତ୍ୟୁ ହୋଇଥିଲା । ଏପରିକି 10 ଗ୍ରାମବାସୀ ଆଜମା ରୋଗରେ ଆକ୍ରାନ୍ତ ମଧ୍ୟ ହୋଇଛନ୍ତି । ଗୁଣିଗାରେଡି ହେତୁ ଏପରି ହେଉଥିବା ନେଇ ପ୍ରଥମେ ଗ୍ରାମବାସୀ ସନ୍ଦେହ କରିଥିଲେ । ପରେ କିଛି ଯୁବକ ଗାଁର ସମରା ମାଡକାମି ଗୁଣି ଗାରେଡି କରି ଲୋକଙ୍କୁ ମାରୁଥିବା ସନ୍ଦେହ କରି ଅତି ନିର୍ମମ ଭାବରେ ତାଙ୍କର ହତ୍ୟା କରିଦେଇଥିଲେ ।