କୋରାପୁଟ: ନିଆରା ଉଦ୍ଭାବନା ଓ ପ୍ରଚେଷ୍ଠା। ପିଲାଟିବେଳୁ କିଛି ନୂଆ କରି ଦେଖାଇବାର ନିଶା ଆଜି ମଧ୍ୟ ତାଙ୍କ ଭିତରେ ଜୀବିତ ରହିଛି । ପାଖରେ ଅର୍ଥର ଅଭାବ ଅଛି ହେଲେ ଅଧ୍ୟୟନ ଓ ଅଭ୍ୟାସ ଜାରି ରହିଛି। ଟ୍ୟୁସନ କରି ଓ ଅନ୍ୟତ୍ର କିଛି କାର୍ଯ୍ୟ କରି ଯେଉଁ ଦୁଇପଇସା ଉପାର୍ଜନ କରି ତାହାକୁ ସମାଜ ପାଇଁ ଖର୍ଚ୍ଚ କରୁଛନ୍ତି। ଆମେ କହୁଛୁ ଆପଣଙ୍କୁ ଜୟପୁରର ଯୁବ ଇଂଜିନିୟର ଶିଶିର ମଲ୍ଲିକଙ୍କ କଥା। ଏହି ଅସୁରକ୍ଷିତ ସମାଜରେ କେମିତି ସୁରକ୍ଷିତ ରହିବେ ଆଜିର ମହିଳା ସେନେଇ ପ୍ରସ୍ତୁତ କରିଛନ୍ତି ଜିପିଏସ ଯୁକ୍ତ ବେଲ୍ଟ ।
ମହିଳାଙ୍କୁ ସୁରକ୍ଷା ଯୋଗାଇବ ଜିପିଏସ ବେଲ୍ଟ
ଯେଉଁଥିରେ ଅତ୍ୟାଧୁନିକ ଅଟୋ ସେନ୍ସର,ଜିପିଆରଏସ ,ଇଲାଷ୍ଟିକ ବେଲ୍ଟ , ବ୍ୟାଟେରୀ ,କମ୍ପ୍ୟୁଟର ମାଉସ ,ସାଇରନ ବେଲ ଆଦି ସଂଯୋଗ ହୋଇଛି। ଏହି ବେଲ୍ଟକୁ ତିଆରି କରିବାରେ ମାତ୍ର 11 ଶହ ଟଙ୍କା ଖର୍ଚ୍ଚ ହୋଇଛି। ମହିଳା ମାନେ ଅପହରଣ ଓ ଦୁଷ୍କର୍ମ ଶୀକାର ହେଲେ ଏହି ବେଲ୍ଟ ପରିଧାନ କରି ନିଜକୁ ସୁରକ୍ଷିତ କରିପାରିବେ ବୋଲି ଶିଶିର କହିଛନ୍ତି ।