କୋରାପୁଟ:ଖରାଦିନ ଯାଇ ବର୍ଷା ଦିନ ଆସିଲାଣି । ହେଲେ ଦୂର ହୋଇପାରୁନି ଜଳ କଷ୍ଟ । ଜଳ ପାଇଁ ଏବେ ବି ଡହଳ ବିକଳ ହେଉଛନ୍ତି କୋରାପୁଟ ଜିଲ୍ଲାର ପାଇକ ଫୁଲବେଦା ପଞ୍ଚାୟତର ଓଡପୁର ଗ୍ରାମବାସୀ । ଯଦି ବର୍ଷା ଦିନେ ଏତେ କଷ୍ଟ ତେବେ ଖରା ଦିନେ ଜଳ ପାଇଁ କେତେ ଯେ ସଂଘର୍ଷ କରୁଥିବେ ଗ୍ରାମବାସୀ ତାହା ସ୍ପଷ୍ଟ ବାରି ହୋଇପଡୁଛି ।
ପାଣି ପାଇଁ ଡହଳ ବିକଳ ଓଡପୂର ଗ୍ରାମବାସୀ
ଗାଁରେ ପାଣି ପାଇଁ ଦୁଇଟି ନଳକୂଅ ଅଛି । ହେଲେ ଗୋଟିଏ ଖରାପ ହୋଇଛି । ଫଳରେ ଅନ୍ୟଟିରେ ପାଣି ଆସୁଛି । ଯାହା ସମୁଦ୍ରକୁ ଶଙ୍ଖେ ପରି । ଗୋଟିଏ ନଳକୂପରେ ପାଣି ଆସୁଛି ସତ ହେଲେ ତାହା ସମ୍ପୂର୍ଣ୍ଣ ଗୋଳିଆ ହୋଇଥିବାରୁ ତାହା ପିଇବା ଉପଯୋଗୀ ନୁହେଁ । କିନ୍ତୁ କିଛି ଉପାୟ ନପାଇ ସେହି ପାଣି ପିଇ ଶୋଷ ମେଣ୍ଟାଉଛନ୍ତି ଗ୍ରାମବାସୀ । ଫଳରେ ବିଭିନ୍ନ ସମୟରେ ରୋଗରେ ପୀଡିତ ହେଉଥିବା କହିଛନ୍ତି ଗ୍ରାମବାସୀ ।