କୋରାପୁଟ:ଜିଲ୍ଲାର ଜୟପୁର ଛତ୍ରିପୁଟଠାରେ ପାସେଞ୍ଜର ଟ୍ରେନ ଲାଇନଚ୍ୟୁତ (Passenger train derailed in Odisha) ହୋଇଛି । ବିଶାଖାପାଟଣା-ଜଗଦଳପୁର ଟ୍ରେନ ଲାଇନଚ୍ୟୁତ ( Visakhapatnam-Jagdalpur passenger train derailed) ହୋଇଥିବା ବେଳେ ରେଳ ଧାରଣା ତଳକୁ ଖସିଛି ଟ୍ରେନର ୪ଟି ବଗି । ଦୁର୍ଘଟଣାରେ କ୍ଷୟକ୍ଷତି ହୋଇନଥିବା ବେଳେ ଘଟଣାସ୍ଥଳରେ ରେଳ ବିଭାଗ କର୍ମଚାରୀ ପହଞ୍ଚି ତଦନ୍ତ ଆରମ୍ଭ କରିଛନ୍ତି ।
ଏହି ଟ୍ରେନ ଜୟପୁର ସହର ନିକଟ ଛତ୍ରିପୁଟ ଅଞ୍ଚଳରେ ଲାଇନଚ୍ୟୁତ ହୋଇଛି । ଟ୍ରେନଟି କୋରାପୁଟରୁ ଛତିଶଗଡ଼ର କିରନ୍ଦୁଲକୁ ଯାତ୍ରା କରୁଥିଲା । ବିଶାଖାପାଟଣା-ଜଗଦଳପୁର ଟ୍ରେନର ଲାଇନଚ୍ୟୁତ ହୋଇଥିବା ୪ଟି ବଗି ମଧ୍ୟରୁ ଗୋଟିଏ ସ୍ଲିପର କ୍ଲାସ ସଂରକ୍ଷିତ ବଗି ସମେତ ଆଉ ୩ଟି ଅଣ ସଂରକ୍ଷିତ ବଗି ରେଳ ଧାରଣାର ବାହାରକୁ ଚାଲିଆସିବା ଫଳରେ ଏହି ଦୁର୍ଘଟଣା ଘଟିଛି । ତେବେ ଏହି ଦୁର୍ଘଟଣାରେ କୌଣସି କ୍ଷୟକ୍ଷତି ଘଟି ନଥିବା ବିଭାଗୀୟ ଅଧିକାରୀ ସୂଚନା ଦେଇଛନ୍ତି । ଜୟପୁର ଷ୍ଟେସନକୁ ଅତିକ୍ରମ କରିବା ପରେ ହୋଇଛି ଏହି ଦୁର୍ଘଟଣା ।