କୋରାପୁଟ: ଆଜି(ମଙ୍ଗଳବାର)ଠୁ ରାଜ୍ୟରେ ବାଜିଛି ପଞ୍ଚାୟତ ନିର୍ବାଚନର ବିଗୁଲ । ଜନ ଗହଳିକୁ ନିୟନ୍ତ୍ରଣ କରିବା ପାଇଁ ପଞ୍ଚାୟତରେ ସଭା ସମିତି ଓ ଶୋଭାଯାତ୍ରାକୁ ବାରଣ କରାଯାଇଥିବାବେଳେ କୋରାପୁଟ ଜିଲ୍ଲା ସଦରମହକୁମାରେ ଶାସକ ଦଳର କର୍ମୀମାନେ କୋରୋନା କଟକଣାକୁ ଫୁ କରିଥିବା ଦେଖିବାକୁ ମିଳିଛି । ଏହି ଭିଡ଼କୁ ଦେଖିଲେ ପଞ୍ଚାୟତ ସ୍ତରରେ ସରକାର ଲଗାଇଥିବା କଟକଣା କେତେ ଦୂର ସଫଳ ହେବ ସେ ନେଇ ସୃଷ୍ଟି ହୋଇଛି ବିରାଟ ପ୍ରଶ୍ନବାଚୀ ।
Panchayat Election: ବାଜିଲା ବିଗୁଲ, BJD କାର୍ଯ୍ୟକାରିଣୀ ବୈଠକରେ ପ୍ରବଳ ଭିଡ଼
ସଦରମହକୁମାରେ ମହିଳା ବିଜେଡି଼ର କାର୍ଯ୍ୟକାରିଣୀ ବୈଠକରେ ନେତା, ନେତ୍ରୀ ଓ କର୍ମୀ ପ୍ରବଳ ଭିଡ଼ ଲଗାଇଥିଲେ । ସଭାସ୍ଥଳକୁ ଚାରିଆଡୁ ବନ୍ଦ କରାଯାଇଥିବାବେଳେ ଭିତରେ ସାମାଜିକ ଦୂରତାକୁ ନେତୃବୃନ୍ଦ ପରିହାସ କରିଥିଲେ । ରାଜନୈତିକ ଦଳ ଗୁଡିକ ଦ୍ବାରା ଆୟୋଜିତ ହେଉଥିବା ସଭା ସମିତି ଉପରେ ରାଜ୍ୟ ସରକାରଙ୍କ କୋଭିଡ କଟକଣାକୁ ଦୃଢତାର ସହ ପ୍ରୟୋଗ କରିବା ପାଇଁ ନିର୍ଦ୍ଦେଶ ରହିଛି ।