କୋରାପୁଟ: ରାଜ୍ୟରେ ଦିନକୁ ଦିନ ଦ୍ରୁତଗତିରେ କୋରୋନା ଆକ୍ରାନ୍ତଙ୍କ ସଂଖ୍ୟା ବଢିବାରେ ଲାଗିଛି । ଏହାକୁ ପ୍ରତିହତ କରିବା ପାଇଁ ସରକାର ନିଜ ନିଜ ଠାରୁ ସାମାଜିକ ଦୂରତ୍ବ ରକ୍ଷା କରିବାକୁ ନିବେଦନ କରିଛନ୍ତି । କିଛି ଲୋକ ସରକାରଙ୍କ ଏହି ନିର୍ଦ୍ଦେଶାବଳୀକୁ ମାନି ଚଳୁଥିବା ବେଳେ କିଛି ଏହାକୁ ଫୁ କରି ଉଡାଇ ଦେଇଛନ୍ତି । କିନ୍ତୁ ସରକାରଙ୍କ ଏହି ନିୟମକୁ ଅକ୍ଷରେ ଅକ୍ଷରେ ମାନିଛନ୍ତି କୋରାପୁଟ ନିକଟସ୍ଥ ନୂଆ କଲୋନୀ ଗାଁରେ ମହିଳା ମାନେ ।
ସାମାଜିକ ଦୂରତ୍ବ ରକ୍ଷା କରି ପାଣି ନେଉଛନ୍ତି ଗାଁ ମହିଳା
ବିଶେଷତଃ ପାଣିପାଇପ ନିକଟରେ ଲୋକମାନେ ସାମାଜିକ ଦୂରତାକୁ ମାନିନଥାନ୍ତି । କିନ୍ତୁ ନୂଆ କଲୋନୀ ଗାଁରେ ମହିଳା ମାନେ ପାଇପ ନିକଟରେ ମିଟର ମିଟର ବ୍ୟବଧାନରେ ଗୋଲେଇ ଟାଣି ତା ଭିତରେ ଠିଆ ହୋଇଥିବା ଦେଖିବାକୁ ମିଳିଛି । କୋରୋନା ଭୂତାଣୁକୁ ରୋକିବାକୁ ପରସ୍ପରଠାରୁ ଦୂରରେ ରହିବା ପାଇଁ ସରକାର ନିର୍ଦ୍ଦେଶ ଜାରି କରିବା ପରେ ଏହିପରି ଭାବେ ପାଣି ନେବା ଆରମ୍ଭ କରିଥିବା ମହିଳା ମାନେ ବର୍ତ୍ତମାନ ନିଜ ନିଜ ଭିତରେ ଶୃଙ୍ଖଳାକୁ ଆପଣେଇ ନେଇଥିବା ପ୍ରକାଶ କରିଛନ୍ତି ।