କୋରାପୁଟ: ଗାଧୋଇବାକୁ ଯାଇ ପାଣିରେ ବୁଡି ୨ ନାବାଳିକା ମୃତ୍ୟୁ ବରଣ କରିଛନ୍ତି । ଏଭଳି ଅଭାବନୀୟ ଘଟଣା ଦେଖିବାକୁ ମିଳିଛି କୋରାପୁଟ ଜିଲ୍ଲା ମାଛକୁଣ୍ଡ ଥାନା ଅଧିନ ରାଇପଡା ଗ୍ରାମରେ । ସୂଚନାନୁସାରେ ମାଛକୁଣ୍ଡ ଥାନା ଅନ୍ତର୍ଗତ ରାଇପଡା ଗ୍ରାମର ବଳଭଦ୍ର ପାଙ୍ଗିଙ୍କ ସାନ ଝିଅ କବିତା ପାଙ୍ଗି ଓ ଭୀମ ଖରାଙ୍କ ଝିଅ ବାସନ୍ତୀ ଖରା ପ୍ରତ୍ୟକ ଦିନ ଭଳି ଗାଁର ଆଉ ଛଅଜଣ ସାଙ୍ଗ ଝିଅ ମାନଙ୍କ ସହିତ ନିକଟସ୍ଥ ଗାଁ ଜଙ୍ଗଲରେ କାଠ ସଂଗ୍ରହ ପାଇଁ ଯାଇ ଥିଲେ ।
ପୋଖରୀକୁ ଗାଧୋଇବା ହେଲା କାଳ, ପାଣିରେ ବୁଡି ୨ ନାବାଳିକା ମୃତ
ତେବେ ସେମାନେ କାଠ ସଂଗ୍ରହ ପରେ ପୋଖରୀରେ ଗାଧୋଇବାକୁ ମନସ୍ତ କରିଥିଲେ । ତେବେ ସମୟର ନିୟତି ଥିଲା ବଡ ବିଚିତ୍ର । ସମସ୍ତେ ସଂଗ୍ରହ କରିଥିବା କାଠକୁ ପୋଖରୀ ନିକଟରେ ରଖି ଗାଧୋଇବା ପାଇଁ ପୋଖରୀ ଭିତରକୁ ପ୍ରବେଶ କରିଥିଲେ । ତେବେ ପୋଖରୀରେ ଗାଧୋଉଥିବା ସମୟରେ ବାସନ୍ତି ଓ କବିତାଙ୍କ ଗୋଡ଼ ଖସି ଯାଇଥିଲା ଯାହାଦ୍ୱାରା ଗଭୀର ପୋଖରୀ ମଧ୍ୟକୁ ଦୁଇଜଣ ଚାଲିଯାଇଥିଲେ ।