କୋରାପୁଟ: କୋରାପୁଟ ଜିଲ୍ଲା ସଦର ମହକୁମାରେ ଜାତୀୟ ରାଜପଥରୁ ଏକ ପିକ ଅପ ଭ୍ୟାନ ଚୋରି । କିଛି ଯୁବକ ପିକ ଅପ ଭ୍ୟାନକୁ ଅପହରଣ କରି ନେଇଯାଇଥିବା ଖବର ଚାଞ୍ଚଲ୍ୟ ସୃଷ୍ଟି କରିଛି ।
ଗଞ୍ଜେଇ ଭାବି ଲୁଟ କରି ଦୁର୍ବୃତ୍ତ ପାଇଲେ ପଣସ
ତେବେ ପୋଲିସ ସେହି ଭ୍ୟାନକୁ ଠାବ କରିବା ସହ ଅପହରଣ କରିଥିବା ତିନିଜଣ ଯୁବକଙ୍କୁ ଗିରଫ କରିବାରେ ସକ୍ଷମ ହୋଇଛି । ନନ୍ଦପୁର ବ୍ଲକର ଥୁବା ଠାରୁ ପଣସ ବୋଝେଇ ପିକ ଅପ ଭ୍ୟାନ କୋରାପୁଟ ଦେଇ ଯାଉଥିବା ବେଳେ ଏହି ଗାଡିଟିରେ ଗଞ୍ଜେଇ ଚାଲାଣ ହେଉଥିବା ଭାବି ନେଇ କୋରାପୁଟର ଅଭିଯୁକ୍ତ ଯୁବକମାନେ ଭ୍ୟାନର ଡ୍ରାଇଭରକୁ ମାରଣାସ୍ତ୍ର ଦେଖାଇ ନିଛାଟିଆ ସ୍ଥାନକୁ ନେଇଯାଇଥିଲେ । ସେଠାରେ ଡ୍ରାଇଭର ଠାରୁ 53 ହଜାର ଟଙ୍କା ନେବା ପରେ ଗାଡିରେ ପଣସ ଥିବା ଜାଣିବା ପରେ ଗାଡିକୁ ସେଠାରେ ଛାଡି ଚାଲିଯାଇଥିଲେ ।