କୋରାପୁଟ: ଖରା ଦିନ ଆରମ୍ଭରୁ ଆରମ୍ଭ ହୋଇଗଲାଣି ପାଣି ସମସ୍ୟା । ବସୁଧା ଯୋଜନାରେ ମଟର ପମ୍ପ ଓ ପାଣି ଟାଙ୍କି ବସାଇ ପାନୀୟ ଜଳ ଯୋଗାଇ ଦେବା ପାଇଁ ପାଇପ ବିଛାଇଦିଆଗଲା । ଜଳ ସଂଗ୍ରହ କରିବା ପାଇଁ ମଧ୍ୟ ସମସ୍ତ ସୁବିଧା କରିଦିଆଯାଇ ଷ୍ଟାଣ୍ଡପୋଷ୍ଟ ନିର୍ମାଣ କରାଗଲା । କିନ୍ତୁ ସପ୍ତାହେ କାଳ ଜଳ ପାଇବା ପରେ ଆଉ ପାଣି ନ ଆସିବା ଯୋଗୁଁ ବର୍ଷେ ହେଲା ଜଳକଷ୍ଟ ଭୋଗୁଛନ୍ତି କୋରାପୁଟ ବ୍ଲକର ମହାଦେଈପୁଟ ଗ୍ରାମବାସୀ ।
ଫେଲ ମାରିଛି ରାଜ୍ୟ ସରକାରଙ୍କ ବସୁଧା ଯୋଜନା
ମହାଦେଈପୁଟ ଓ ଏକଡେଲି ମଧ୍ୟରେ ଏକ ଛୋଟ କେନାଲ ନିକଟରେ ସଂଯୋଗ ହେବାର ମାତ୍ର କିଛିଦିନ ପରେ ପାଇପ କେହି ଚୋରି କରି ନେଇଯାଇଥିବା ଯୋଗୁଁ 45ରୁ ଊର୍ଦ୍ଧ୍ଵ ପରିବାର ବସବାସ କରୁଥିବା ଏକଡେଲିକୁ ଜଳଯୋଗାଣ ବନ୍ଦ ହୋଇଯାଇଥିଲା ।