କୋରାପୁଟ: ଶାବର ଶ୍ରୀକ୍ଷେତ୍ର କୋରାପୁଟର ମନ୍ଦିରର ମେଘନାଦ ପାଚେରୀ ଭିତରେ ଚଳିତ ବର୍ଷର ରଥଯାତ୍ରା ଅନୁଷ୍ଠିତ ହେବ । ଏନେଇ କୋରାପୁଟ ଜଗନ୍ନାଥ ମନ୍ଦିର ସମ୍ପାଦକ ତଥା ପୂର୍ବତନ ଜିଲ୍ଲାପାଳ ଗଦାଧର ପରିଡା ସ୍ପଷ୍ଟ କରିଛନ୍ତି ।
ଶାବର ଶ୍ରୀକ୍ଷେତ୍ର ମେଘନାଦ ପାଚେରୀ ଭିତରେ ଆୟୋଜିତ ହେବ ରଥଯାତ୍ରା
କୋରାପୁଟ ଜିଲ୍ଲାରେ ପ୍ରତିବର୍ଷ ମନ୍ଦିର ପରିସର ବାହାରେ ଅନୁଷ୍ଟିତ ହୋଇଆସୁଥିବା ରଥଯାତ୍ରା ଚଳିତ ବର୍ଷ କୋରୋନା ମହାମାରୀ ଯୋଗୁଁ ହୋଇପାରିବାନାହିଁ । ପ୍ରତିବର୍ଷ ଜଗନ୍ନାଥ,ବଳଭଦ୍ର , ଶୁଭଦ୍ରାଙ୍କ ରଥଯାତ୍ରା କୋରାପୁଟ ଜିଲ୍ଲାରେ ମନ୍ଦିର ବାହାରେ ଆୟୋଜିତ ହୋଇଆସୁଥିଲା । ଏନେଇ କୋରାପୁଟ ଜିଲ୍ଲାପାଳ ସ୍ପଷ୍ଟ ଭାବେର ଜଣାଇଛନ୍ତି । ଜୟପୁରର ପ୍ରସିଦ୍ଧ ରଥଯାତ୍ରା ଆୟୋଜନକୁ ନେଇ ଦେବୋତ୍ତର ବିଭାଗର ଆବେଦନର ଉତ୍ତରରେ ଜିଲ୍ଲାପାଳ ମଧୁସୂଦନ ମିଶ୍ର ଏହି ବିଷୟ ସ୍ପଷ୍ଟ କରିଛନ୍ତି । ତେବେ ମନ୍ଦିର ପରିଚାଳନା କମିଟି ମନ୍ଦିର ପରିସର ମଧ୍ୟରେ ଏହି ଯାତ୍ରା ଅନୁଷ୍ଠିତ କରାଇବାବାକୁ ଚାହିଁଲେ କୋଭିଡ ନିୟମକୁ ପାଳନ କରି ତାହା କରିପାରିବେ ବୋଲି ଜିଲ୍ଲାପାଳ ଜଣାଇଛନ୍ତି ।