କୋରାପୁଟ:କୋଟିଆରେ ଆନ୍ଧ୍ର-ଓଡ଼ିଶା ବିବାଦ ଥମିବାର ନାଁ ଧରୁନଥିବାବେଳେ ପୁଣି ଏକ ଘଟଣା ସାମ୍ନାକୁ ଆସିଛି । କୋରାପୁଟ ଜିଲ୍ଲା ପଟ୍ଟାଙ୍ଗୀ ବ୍ଲକ ଅନ୍ତର୍ଗତ କୋଟିଆ ପଞ୍ଚାୟତ ନିକଟରେ ଥିବା ଗଲିଗବ୍ଦର ଜଳପ୍ରପାତଠାରେ କିଛି ଅଧିକାରୀଙ୍କ ଦ୍ଵାରା ମୃତ୍ତିକା ଓ ପଥରର ସର୍ଭେ ହେଉଥିବା ଦେଖିବାକୁ ମିଳିଛି ।
ଓଡିଶାରେ ପଶି ମୃର୍ତ୍ତିକା ସର୍ଭେ କଲେ ଆନ୍ଧ୍ର ଅଧିକାରୀ !
ସର୍ଭେ ପାଇଁ ଯନ୍ତ୍ରପାତିକୁ ନେଇ ଆସିଥିବା ଗାଡ଼ିରେ କେନ୍ଦ୍ର ଖଣି ବିଭାଗ ଅଧୀନସ୍ଥ ଏନଆଇଆରଏମର ଫଳକ ଲାଗିଥିବା ବେଳେ ଗାଡ଼ିର ରେଜିଷ୍ଟ୍ରେସନ ନମ୍ବରରୁ ଏହା କର୍ଣ୍ଣାଟକର ହୋଇଥିବା ଜଣାପଡିଛି । ଏଥିସହ ଅଧିକାରୀମାନେ ଆନ୍ଧ୍ରର ରେଜିଷ୍ଟ୍ରେସନ ଥିବା ଗାଡ଼ିରେ ଆସିଛନ୍ତି । ସେମାନେ ତେଲୁଗୁ, ହିନ୍ଦୀ ଓ ଇଂରାଜୀରେ କଥା ହେଉଛନ୍ତି । ତେଣୁ ଏଥିରେ ଆନ୍ଧ୍ର ସରକାରଙ୍କ ହସ୍ତକ୍ଷେପ ଥିବା ନେଇ କୋରାପୁଟ ଜିଲ୍ଲା ପରିଷଦ ସଦସ୍ୟ ଟିକାଈ ଗେମେଲ ଆଶଙ୍କା ପ୍ରକାଶ କରିଛନ୍ତି । ସେ ଏନେଇ ଅଧିକାରୀମାନଙ୍କୁ ପ୍ରଶ୍ନ କରିବାରୁ କୌଣସି ସନ୍ତୋଷଜନକ ଉତ୍ତର ମିଳିନଥିଲା। ଫଳରେ ସନ୍ଦେହ ଘନୀଭୂତ ହେବାକୁ ଲାଗିଛି।